28
Beliefs a zom…
16. Topa Nitak An
Jesu pumpi leh sisan limla Topa nitak
an nekna ah kihelna in Topa leh Honpa-a amah ih sanna ih lah khiatna ahi hi. A
mite tawh kimu-a tha apia dingin tua nekkhop pawi ah Christ hong kihel hi.
Nekkhawm ih nek ciangin amah hong pai kik donga Topa sihna lungdam taka a
tangko ih hihi. Nekkhawm a ne dingte kigin kholh kul hi, ei leh ei kisittel
ding, mawhna kisikin pulaak ding hi. Christ bangin kiniam khiatna khat leh khat
ih kihuh nopna leh, ki-itna tawh ih lungtangte gawmkhawm nuam ih hihna ih lah
nading, athakin kisil siang ih hihna ih
lah nadingin khe kisilsakna Topa in hong bawl hi. Nekkhop pawi in thu-um
Christian khempeuh ading ahi hi. (1Kor. 10:16, 17; 11:23-30; Mat. 26:17-30;
Mang. 3:20; John 6:48-63; 13:1-17.)
17. Khalam silpiakte leh
nasepnate
Pasian in akhang a khangin apawlpi mite
tungah khalam sikpiakte pia hi. Pawlpi leh mihingte phattuamna ding nasepna
dinga pawlpi mi khempeuh in azat ding ahi hi. Kha Siangtho in ama hoihsak
bangin pawlpi mi khat ciat tungah hawm sak hi. Pasian’ sawlna banga na asep
theihna dingin pawlpi in akisap siamna leh nasepnate, tua silpiakte in nei sak
hi. Tua silpiakte in upna, cina damsakna, kamsann, tangkona, thuhilhna, ukna,
kileptuahna, khualna, angsung deihna niala nasepna leh, mite huha thapiak
nading itnate ahi hi. Pawlpi mite in na asep theih nading ahilh ding, khalama
akhantoh nading a pawlpi akhangto sak ding.
Pasian
theihna leh upna ah kipumkhatna apiang
sak dingin Kha Siangtho in pawlpi sungah pawlpi kepsiamna, thugen siamna,
sawltak nasep siamna leh thuhilh siamnate pia hi. Pawlpi mite in tua khalam
silpiakte Pasian’ huhna tawh thumaan taka azat uh ciangin, pawlpi a susia thei
zuau thuhilhnate lut thei lo-in, upna leh itna tawh khangto hi. ( Rome 12:4-8;
1 Kor . 12:9-11, 27,28; Eph. 4:8,11-16; St. 6:1-7; 1 Tim 2:1-3; 1 Pet.
4:10,11.)
18. Hilhkholhna
Kha Siangtho silpiakte lakah kamsanna
in khat ahi hi. Tua silpiak in a beibang pawlpi theihsakna khat hi-a, Ellen G.
White nasepna panin kilangh hi. Topa kamtai ahihna tawh ama laigelhte in a
kizom suak thumaan hi-a, tua in pawlpi hehnemin, makaihin, thuhilhin, bawlpha
hi. Thuhilhna leh gamtatna khempeuh sittel nading Lai Siangtho ahihlam zong tua
thute in hong tel sak hi. (Joel 2:28,29; St. 2:14-21; Heb. 1:1-3; Mang. 12:17;
19:10.)
19. Pasian Thukham
Pasian’ thukham thuguipite thupiak sawm
sungah kimu-a Christ nuntakna ah hong kilangh hi. Pasian itna, deihna leh,
mihing gamtatna leh kizopna tawh kisai Pasian ngimnate zong hong lak hi.A khang
a khanga mi khempeuh tawh zong kisai hi. Tua thupiakte in Pasian in a mite tawh a bawl thuciamna
tawphah hi-a, Pasian thukhenna ah a siksan ahi hi. Kha Siangtho nasepna tawh
thukham in mawhna hong lakin, Honpa khat a kisap lam hong thei sak hi.
gupkhiatna- i gah in thupiakte zuihna ahi hi. Tua thuzuihna in Christian zia
–leh-tong khangto saka, nopsakna piang sak hi. Tua in Topa ih itna leh midangte
ih khualna zong kilang sak hi. Upna tawh thuzuihna-in nuntakna a kikhel sak
Khrih vangliatna kilang saka, Christian teci panna tha khauhsak hi. ( Pai.
20:1-17; La. 40:7,8; Mat. 22:36-40; Thkna. 28:1-14; Mat. 5:17-20; Heb. 8:8-10;
John 16:7-10, Eph. 2:8-10; 1 John 5:3; Rome 8:3,4; La. 19:7-14.)
20. Sabbath Ni
Piangsakpa in ni guk sung piansakna a
zawh ciangin piansakna phawkna mualsuang dingin sabbath ni ci-in a ni sagih
ni-in tawlnga hi. Pasian thukham alina
ah nisagih ni sabbath tan nading thu oma, tua ni in tawlngak ni, biakpiakna ni
leh, sabbath Topa a hi Jesu thuhilhna leh gamtatna tawh kituak a nasep nading
ni ahi hi. Sabbath ni Pasian leh mi dangte tawh nuam taka ih kikholh ni ding
ahi hi. Tua ni-in tatkhiatna ih ngahna lim, sianthona ih ngahna lim, pawl khat
ih hihna lim leh tawntung Pasian gam ih ciap kholhna ahi hi. Sabbath ni Amah
leh amite kikal ah tawntung thuciamna lim ahi hi. Nitak pan nitak kik dong,
nitum pan nitum kik dong, tua ni siantho lungdam taka tanna in, Pasian
piansakna leh tatkhiatna pahtawina ahi hi. (Pian. 2:1-3; Pai. 20:8-11; Luke
4:16, Isa. 56:5,6; 58:13,14; Mat. 12:1-12; Pai. 31:13-17; Ezk. 20:12,20; Thkna.
5:12-15; Heb. 4:1-11; Siam. 23:32; Mk. 1:32.)
Source: Conference News 4th Quarter, 2018
