Sabbath
2na. 12 January 2019.
Inn panin neihsa kep, zek siamna kihilhna
“ Na tate uh tungah na hilh ding uh a,
na inn sung uhah na lut laitak, lampi-ah na pai laitak, na lup ciang uhleh na
thawh ciangin tuate genin na nei ding uh hi.” Thuhilhkikna 11: 19.
Mehteh, mehgah huan khat bawlin, hoih
tak puahin huan sung a i ciin tuamtuamte a hong khanzia tungtawnin naupangte
tungah Pasian’ nasepzia, gamtat hoih na
dingin thuakzawhna, hanciamna kisam ahihna thute thuhilhna-in kizang thei hi.
Tua banah huan sung nate tungtawnin sawm-ah khat leh sumpi thupitna thute zong
kihilh thei hi. Huan sung pan i ngah khempeuh lak pan khen 10 suahin khen khat
sawm-ah khat ding kikhen thei a, khen khat pen sumpi dingin kikhen thei hi. Ahi
kei leh huan sung pan a piang khempeuh zuakin tua pan sum ngah khempeuh lak pan
sawm-ah khat leh sumpi ding i khen thei hi. Tua huan sung nate tungtawnin
naupangte neihsa kep leh zeek siamna kihilh nading lampi hoih khat hi.
Naupangte a neu tung mahin sumpi khiat
ding pia-in, moh lei nading sum ngahna khat a neih uh ciangin sawm ah khat khiat
ding uh kihilhna in manpha hi. Tua bangin hilh lehang neihsa kepna leh
zeeksiamna (stewardship) a hilh i hi hi. Upna’ nasep zia i tel nading hong hi
pah hi.
Tua bangin inn sung pan a kihilh innkuan in a hampha innkuan hi.
Thuumna: Nisim in naupangte, i tate tungah Pasian thu
sungah pantah ding mangngilh kei in.
Thungetna: Topa aw, nisim in thupha nong piak manin na
tungah ka lungdam hi. Na tungah cihtak thumanna tungtawnin na thupha-te hong
luang hi, cih hong phawksak in. Amen.
