“Na
khempeuhah Pasian Masak In”
By
pastor Penny Brink
Stewardship
Ministries Department of the Seventh-day Adventist Church
2019
Sabbath
1na 5 January 2019.
Teci
Panna
“Topa muangin amah a beel mi in thupha
a ngah ahi hi. Amah, gun gei-a a kisuan singkung bang hi a, lui gei-ah a zung a
kha hi. A tehte hing den ahih manin nisa kihta lo hi. Tatsat loin gah den ahih manin guak zuk loh kum ciangin
zong lungkham tuan lo hi.” Jer. 17: 7,8.
“ Koi bangin na kisap khempeuh a ngah
thei ding hi lecin, tua banah neihlelamh tawh na inn kidim hi leh, na kemcing
ding hiam? ci-in Gladys in a dotteh, “ sawm-ah khat ka khia ding hi,” ci-in
Pearl in dawngkik hi.
Pearls in piteek khat hi-in, ama
khangah Seventh-day Adventist suak hi pan hi. SDA a suah a kipan sawmah khat
leh sumpi manmanin pia hi. Bang mah a neih loh hangin a kisap khempeuh Topa in
siik ding hi,ci-in muang den hi. Amah bangin i nuntheihna, kitangsapna khempeuh
Pasian thupha hi, cih phawk den ding kisam hi. Tua panin Pasian hong piak na
khempeuh kepsiam, zeksiamna hong kipan hi.
Tu ni-in mite’ etteh dingin i nungta
hiam? I tate, zi le pasal, i lawmte, i vengte’ etteh dingin i nunta hiam?
Neihsa kepsiamna in i ngaihsutna sangin huzaap lianpi nei hi.
Thuumna:
Pasian tungah citakna in Khristian teci panna-ah a kisam mahmah khat hi, ci-in
phawk ciat ni.
Thungetna:
Topa aw, na thumanna hangin lungdam ung.
Lungdamna tawh na tungah hong ki-ap hi ung. Amen.
