LESSON 8 Feb 16 – 22
SATAN, A KIZO KHIN GALPA
Sabbath Nitak:
Tu Kaal Sung
Sim Ding: Mang. 12; 13:13, 14; 19: 20; Pian. 3:15; Isa. 14: 12 – 15; Dan. 7: 23
– 25; 2Thess. 2: 8-12.
KAMNGAH: “Amaute in
Tuuno’ sisan hangin ahi zongin zo-in, sihna thuak dongin a nuntakna uh haza lo
uh hi.” (Mang. 12: 11).
Mangmuhna 1- 12 sungin pawlpi kipat a kipan Khristian
pawlpi phutkhak thute pulaak hi. A lian 12 – 22 in Jesuh a hong kumkik ding thu
leh Pasian’ gam thu pulaak hi. Mangmuhna 12 sung a thute in hun nunung a piang
thute bang hangin piang hiam cih thu hong hilh hi. Tua thupiang dingte in Khrih
leh Satan kikal kilangdo-na tungtawnin a hong tung ding thu-te hi.
Satan in Pasian leh a mite aa dingin gal lianpi hi. Satan
in nasem takpi hi. Siatna khempeuh, Pasian langpanna khempeuh ama tung pan
kipan hi. Satan in hun nunungah Pasian a zo dingin kilamen hi. Tua hangin ahih
theihzah sit lo-in nasem hi.
Mang. 12 in Pasian’ mite in amaute a do tawntung Satan in
guallel khin hi, cih lungmuanna a ngah dingun hong hilh hi. Satan zo-in, singlamteh tungah sihna thuakin, sihna pan
thokikin, van a kah Khrih mah in hun nunung ciangin Satan susia ding hi. Tua
ahih manin hun nunung a Pasian’ mite in Khrih sungah lametna lianpi i nei hi.
SUNDAY Feb.
17
Numei leh Gulpi
Mang. 12: 1- 4 sim in.
John in naupaai numei khat mu hi. Tua numei in kua hi-a, bang honghilh hiam? _____________________________________________________________ ____________________________________________________________
Lai Siangtho sungah Pasian’mite, numei in limcing hi (2Kor. 11:2); gamtat hoih nei numei in a citak thu-um mite limcing hi; paktat numei in lampial thu-um mite limcing hi. Singlamteh hun ma, Mang. 12 sung numei in Thuciam Lui Israel mite limcing masa hi. Israel suan panin Messiah hong piang hi (Mang. 12: 1-5); a neu13 – 17 sung a numei in Khristian pawlpi limcing hi. Hih numei in puan bangin ni silh a, kha-pi tungah ding hi. Lai Siangtho sungah ni in Khrih’vangliatna leh ( Matt.17:2; Mang. 1:16)a mite limcing hi (Matt. 13: 43). Ni panin kha in khuavak tansak mah bangin, Thuciam Lui sung a kamciamte in hotkhiatna pulaak khol ahihna thu limcing hi.
Tua khit ciangin John in a mangmuhna sungah kihtakhuai
mahmah gulpi saan mu hi. Tua gulpi in Satan, tanglai gulpi, leh Dawimangpa
limcing hi (Mang. 12:9). Tua gulpi’ mei
in aksi sehthum suah sehkhat van panin leilak denna hi. Gulpi’ mei in zuau thu
limcing hi (Isa. 9:14, 15; Mang. 9:10). Pahtawi-na mun vantung panin Satan in vantungmi tampite tungah zuau thu gen a,
amaute in kha gilo hong suak uh hi (Isa. 14:12- 15; 2Pet. 2:4; Jude 6). Amaute
in Pasian langpan uh a, hotkhiatna nasep khempeuh suksiat ding hanciam tawntung
uh hi.
Mang. 12: 1-5 sim in.
Tua gulpi in ‘tangtawng pek a gulpi hi’(Mang. 12: 9). Pian. 3: 15 leh
numei’ suanlekhak a suksiatsawm tanglai gulpi kizopna zia koi bang hiam?
_____________________________________________________________ ____________________________________________________________
Mawhna hong kipat a kipan Satan in a hong suak ding Messiah
suksiat ding bek ngak hi. A tawpkhakna-ah Messiah hong suakin tua gulpi in susia
zo tuan lo hi. Tua Mipa Messiah in Pasian tokhomah laktohna ngahin vangliatna
tawh kidim hi (Mang. 12: 5).
Mang. 12:11 sungah koi bangin Pasian’ mite in Satan zo thei
ding ci hiam? Koi bangin Jesuh’ zawhna in na tuahkhak ze-et hamsatna khempeuh
hong zo-sak thei hiam?
MONDAY Feb 18
Vantung Pan Tawntung
Satan’ Kihawlkhiatna
Mang.
12: 7 -9 sim in. Vantungah kido-na om
hi. Bang thu hangin vantung panin Satan kihawlkhia hiam? _____________________________________________________________ ____________________________________________________________
Satan in Pasian’ukna a langpan a kipan vantung panin hawlkhiat thuak hi. Satan in vantung tokhom tungah tu dingin hanciam hi. Satan in ‘Sangpen Pa’ dinmun luahsawm hi (Isa. 14: 12 – 15). Pasian kihtakna nei lo-in langpan hi. Ahi zongin Pasian langpan zo lo-in leitungah kidenna hi. Mi masa pente zuau genna tawh hong zo a, leitung hong uk hi (Lk. 4:6). Leitung uk ahih manin leitung mite aitangin vantung thu kikupna-ah Satan zong va kihel hi (John 12: 31; Job 1: 6- 12). Ahi zongin vantung pan a kihawlkhiat a kipan Satan leh a nungzuite khempeuh in amaute kisuksiat ni a hong tun mateng hih leitung sim loh mun dangah paitheihna kipia nawn lo hi (2Pet. 2: 4; Jude 6).
Khrih a hong sihna tungtawnin, na khempeuh muh dingin,
Satan leh ama nunzia hong kilang hi. Satan in a melselsimna kilangkhia ding
ahihlam mukhol hi. Vantungmi siangtho khempeuh leh na khempeuh mai-ah ama
pianzia kilang hi. Satan in amah le amah mithat pa ahihna pulaak hi. Pasian Tapa
a thahna hangin vantung itna ngah nawn lo hi. Tua a kipan ama septheihna
kiciangtan hi.” Ellen G. White, The Desire of Ages, 761. Hih leitung a uk Satan
khut panin Khrih tungah ki-ap hi. Leitung leh na khempeuh a uk in Khrih hi
(Eph. 1: 20 – 22; 1Pet. 3:22). Tua khit
ciangin Satan leh a pawlte khempeuh vantung panin kihawlkhia hi. Jesuh in hih
thu pulaak khol hi. “ Tu-in leitung in thukhenna a thuak ding hun hong tungta
hi. Tu-in hih leitung ukpa kihemkhia ta ding hi” (John 21: 31).
Tua bangin Satan in thukhenna thuakin ‘Tu-in Pasian in hong
honkhia khin ta a, kumpi vangliatna a neihna hong lakkhia khinta a, Khrih in
aanna a neihna thu lakkhia khinta hi (Mang. 12: 10). Tua hun a hong tun mateng
Satan in leitungah a kiciangtan bangin na sem thei lai hi. Pasian’ mite hong
susia thei hi. Satan in hun tawmno khat bek nei lai ahihlam thei hi (Mang.
12:12). Hun tawmno a neih sungin ahih
theihzahin gimna, siatna piangsak hi.
Mang. 12: 11 in Satan’ hong ze-etna khempeuh zawh theih
nading lampi bang hong hilh hiam?
TUESDAY Feb 19
Leitungah Kido-na
Mang. 12: 13, 14 sim in. Vantung pan a kihawlkhiat a kipan
Satan in genkholhna ni 1260 sung pawlpi do hi. Koi bangin tua hun sungin Pasian
in apawlpi kemhiam? _____________________________________________________________ _____________________________________________________________
Vantung panin a kihawlkhiat a kipan Satan in
Khrih’hotkhiatsa mite mawhsak tawntung hi. Bangbangin Satan in amaute langpan
taleh hotkhiatna hong tangtun hi. Satan in a sawt lo-in ama ukna bei ding hi,
cih theikhol ahih manin, Pasian in Ama limlemel suunin bawlin a tatsa mite
tampi a suksiat zawh nading hanciam hi. Satan in mihing muhdah hi. Bang hang
hiam cihleh Khrih in hong hehpihin i mawhna khempeuh hong maisak hi. Satan in
ama siamna khempeuh siitlo-in a hihtheihzahin mihingte hong khem hi. Bang hang
hiam cihleh lamet bei-in nungta ahihlam
thei hi.” Ellen G. White, The Spirit of Prophecy, vol. 3. 194, 105.
Khrih in leitungah a it mahmah a pawlpi Satan in susia nuamin
tatsat lo-in a hehna liansak semsemin do den hi. Ahi zongin pawlpi in
genkholhna ni 1260 sung gamlakah Khrih hong pai ding ngakin Pasian’ hutna
nuai-ah om hi. Satan in pawlpi a
bawlsiatna nih vei kipulaak hi. Mang.
12:6 ah ni 1260 ci-in, Mang. 12: 14 ah ‘hun khat, hun nih leh hun lang’ ci-in
kipulaak hi. A nihin Dan. 7: 23 -25 sunga ‘kii-neu’ uk hun sung pulaak hi.
Genkholhna-ah ni khat in kum khat limcing hi. Ni 1260 in AD 538 – 1798 sung
thupiangte in Roman Pawlpi in ama thuneihna tawh Nitumna Gamte ukcip a, French
Revolution ciang dong huamkha-in Roman pawlpi’ thuneihna kiamlam manawh
semsemin a thuneihna hong bei hi.
“Gam sungah numei om hun” hong bei ciangin Satan in Pasian’
pawlpi susia dingin do kik hi. Numei a suksiat nadingin gulpi in a kam sung pan
tuiciin piangsak hi. Lai Siangtho sungah tuiciin in bawlsiatna limcing hi (Isa.
59: 19). Numei a suahtak nadingin
leitangin tua tui khempeuh hupkang hi. Numei in nuamtakin omthei hi.
Pawlpi in kum 1260 sung tawntung bawlsiat a thuak thu
ngaihsun in. Mihing ngaihsutna panin Khrih hong pai hak hi, ci-in i ngaihsut
khakleh mihing ngaihsutna in ciangtan
nei hi, cih na phawk hiam?
WEDNESDAY Feb 20
A Beibaang Pawlpi
Langdo-na
Mang. 12: 17 sim in. Hun nunungah Satan’ do thuak mite kua-te
hiam? __________________________________________________________________________________________________________________________
“ A cianlai,” “ A beibaang” i cih mite in mi tampi in
Pasian thuman zui lo uh hi mah taleh Pasian tungah citak mite cihna hi (1Kum.
19:18; Mang. 2:24). Hun nunungah mi
tampi in Satan’ khemna sungah om uh hi. Ahi zongin Khrih tungah a citak mi zong
om veve hi. Tua mite tungah Satan hehna lian semsem hi.
“A cianlai mite” thu nihte Mang. 12: 17 in bang pulaak
hiam? Koi bangin hun nunung a cianlai Pasian’ mi hi leh hi lo, theitel ding i
hiam? __________________________________________________________________________________________________________________________
Hun nunung sungah thuman zui a cianlai mite in Pasian’
thukham sawm zui uh hi. Mang. 13 sungah hun nunung ciangin Thukham 10 bulphuhin
buai-na lianpi hong tung ding hi, ci-in pulaak khol hi. Thukham 1-4 in
biakpiakna tawh kipawl thukham hi-in, i biak ding Pasian hong hilh hi. Ahi
zongin leitung mi tampi in Piangsak Pasian bia lo-in, sapi bia uh hi (Mang.
14:7). Thukham li-na in Pasian in na
khempeuh a Piangsak Pasian hi, cih hong hilh ahih manin Amah bek mah i biak
ding kisam hi.
Hun nunung a thuman zui a cianlai mite in “Jesuh Khrih teci
panna a nei mite hi” (Mang. 19:10). Jesuh Khrih teci panna in ‘Kha Siangtho
tungtawnin genkholhna’ ci-in i thei hi. John hunlai-in Kha Siangtho’ genkholhna in Kha Siangtho
silpiak genkholhna hi. Kha Siangtho in John tungtawnin Ama silpiak
pulaakkholhna hong tung hi. Tua thute in Jesuh thu pulaak hi. Hih in “Jesuh
teci panna hi. (Mang.1:2). Leitung hun bei kuan ciangin Satan zuaukhemna leh
suksiat ding a hanciamte khempeuh a kantan zo dingin, Kha Siangtho silpiak in
Pasian’ mite makaih ding hi. Seventh-day Adventist pawlpi aa dingin Ellen
G.White tungtawnin tua Kha Siangtho lamlahna hong kipia hi.
Kha Siangtho tungtawnin hilhkholhna thute na ngaihsun ngei
hiam? Tua hilhkholhna in bang sem dingin pawlpi leh mimal hong hilh hiam?
THURSDAY Feb 21
Hun Nunungah Satan’
Nasepna Zia
Satan in Khrih nungzui mite a kipan leitung mi khempeuh a
zawh nadingin a nasepzia dang khat tawh nasem hi (Mang. 12: 17). Pawlpi kipat a
kipan Satan in Pasian nasep hotkhiatna susia dingin bawlsiatna, langpanna
tuamtuam tawh hanciam tawntung hi. Ahi zongin Satan in a nasep lawhcing zo lo
hi. Hun nununga a cianlai Pasian’mite a suksiat nadingin khemna lianpi tawh
nasem hi. A nasepna ngei-te panin hun
nunung a mite mitsuan lianbel nei hi. Mang. 4 - 11 sungah sungah zuaukhemna cih
kammal kimu lo hi. Ahi zongin a piang ding thute kigelhna Mang. 12 – 20 sungah
zuaukhemna tam veipi kimu hi. Hun nunung a Satan nasepna lianpi in mihingte
hong khemna hi. Satan nasep zuaukhemna thu Mang. 12:9 pan kipanin a nunung
penin a sep ding Mang. 20: 7 – 10 in pulaak hi.
2Thess. 2: 8 – 12
leh Mang. 13: 13, 14; 19: 20 sim in. Hun
nunung a zuaukhemna hong omzia bang pulaak hiam?
_____________________________________________________________
_____________________________________________________________
Leitung buppi in ama tungah kinga dingin a lian penpen zuaukhemna a nungta Pasian kineihtawmin Satan in nasem hi (Mang. 12 – 20). Mang. 13 sungah gulpi in amah tawh nasemkhawm dingin tui sung pan sapi (Mang. 13: 1- 10) leh leitang pan sapi ( Mang. 13: 11 – 18) tawh pawlkhat suakin nasem hi. Pa, Tapa leh Kha Siangtho kipawlin na a sepkhop uh ettehin Satan in zong tua bangin nasem hi. Leitung mi khempeuh Pasian nusia-in Satan tawh kipawl dingin Satan leh a pawlte in nasem tawntung uh hi (Mang. 16: 13, 14; 19: 20; 20:10). Zuaukhemna lian mahmah ding ahih manin mi tampi in Satan zui ding uh hi.
Tua ahih manin Satan’ nasepna thei-in ama zuaukhemna sung i
tun loh nadingin thuman theihtelna leh pilna kisam hi (Mang. 13: 18; 17:9).
Thuman leh zuaukhemna a khentel thei pilna in bang hi ding hiam? Koi bangin tua
pilna nei ding i hiam? James 1:5.
FRIDAY Feb 22
Ngaihsutbeh Ding: Ellen
G. White, The Snares of Satan,” 518 – 530 in the Great Controversy.
Mang. 12 ii deihna bulpi in hun nunungah Satan leh a
pawlpite in Khrih langpanna uh hi.
Mangmuhna Bu in tuhun a thu-um mite tuahkhak thute banah mailam hunah a
lian zaw Satan’hehna hong tung ding hi, ci-in hong hilhkhol hi. Paul in zong tua bang mahin, Satan in ama vangliatna
tawh nalamdang tuamtuam bawlin, thuman it lo napi-in hotkhiatna ngah dingin, mi
khempeuh khem hi (2Thess. 2:9, 10, 16), ci-in hong hilh hi.
Mangmuhna Bu in a hong tung ding thute thupi ngaihsutin,
Pasian tungah kinga dingin hong hilh hi. Satan in bangzahin na lianpi sem thei mah taleh, ama vangliatna in
Khrih zo lo hi (Mang. 12:8). Pasian’
mite in Satan leh a pawlte vangliatna tungah vangliatna nei Khrih sungah lametna
i nei hi. Khrih in ama tungah a citak mite tawh leitung bei dongin hong ompih
ding hi(Matt. 28: 20).
Kikup Ding Dotnate
1. Seventh-day Adventist mite in hun nunung a a cianlai mite i hi
hi, ci-in i pulaak hi. Tua in eite hamphatna lianpi hi. Tham lo-in masuan
lianpi nei mite i hi hi (Lk. 12:48).
2. Bang hangin a cianlai thu-um mite hihna in honkhia lo ahihlam phawk
ding kisam hiam?
3. “Satan vangliatna tampi i pulaak hi. Satan in vangliatna nei
mah hi. Ahizongin Pasian in a vanglian Honpa hi. Satan in vantung pan hawlkhiat
thuak hi. Tua bangin i galpa
vangliatna pulaakin, i lungsim in amah a ngaihsutna tawh hong kidim thei hi.
Tua hi-in, bang hangin Jesuh vangliatna pulaak zaw lo ding i hi hiam? Satan
vangliatna i gen ciangin Satan lungdam
hi. Jesuh laamsang in. Amah bek mitsuan in. Amah mitsuan lehang Ama’n eite hong
khel hi.” Ellen G. White, Advent Review and Sabbath
Herald, March 19, 1889. Koi bangin
Khristian mite in Satan’ vangliatna
liansak semsem kha thei hiam? Satan om lo hi, ci-in pulaak na a lauhuai mah
bangin ama vangliatna liatsakna in zong lauhuai hi lo hiam?
