LESSON 2 Jan. 5 – 11
MEIVAKTE LAKAH
Sabbath Nitak:
Tu Kaal
Sung Sim Ding: Mang. 1: 9-18; 1:20; 2: 1-7; Sawl. 7: 54 – 60; Matt. 12:8; Pai.
20: 11; Dan. 10:5.
KAMNGAH: “Keimah zong
gualzo-in ka Pa’ tokhomah ka tutkhawm uh mah bangin a gualzote khempeuh zong
kei tawh ka tokhom tungah hong tutkhawm theih nadingun thu ka pia ding hi.”
Mang. 3:21.
Late 73 in migilote’ kiphatsakna hangin lungkiatnate pulaak
hi. Migilote in neihlehlam hau-in nuamsa uh hi. Midikte ahih leh gimna tawh
kidim uh hi. Hih thu hangin a lunggim Late laigelhpa in ( 73: 2- 16), biakbukah
vapai hi (73: 16, 17). Pasian vangliatna
tawh kidim biakbuk panin a thuak gimnate hong telthei hi.
Kum zalom tampi khit ciangin khangham khin John in a upna
hangin suang tawh kidim tuikulh khatah thongkhiatna thuak hi. Tua bangin
gimthuakin a om laitakin mun tuamtuam a om pawlpite in gimna thuak uh hi, cih
thu za hi. Ahi zongin John in vantung biakbuk sungah om Jesuh mu hi. Late
laigelhpa tungah a kipulaak mah bangin, migilote in nuamsa-in, midikte in bawlsiat a thuakna
thute kilaak hi. Biakbuk in Khrih hong ompihna, gimna lakah a hong donna a
kipan, Khrih in leitung hun bei dong a mite ompih ding ahihna thu hong hilh hi.
SUNDAY Jan. 6
Patmos Tuikulhah
Mang. 1:9 sim in. John in a thuak thute bang pulaak hiam?
________________________________________________________
_____________________________________________________________
Aegean Tuipi-a om Patmos tuikulh in suang tawh kidim ahih
manin singkung lopa bangmah nungta lo hi. A dung tai 10 bang sau ding a, tai 6
bang zai ding hi. Patmos leh a kim a om tuikulhte in Roman kumpi in gamuk
thunei a langpang mite thongkhiatna munin zang uh hi. Mangmuhna Bu kigelh hunlai-in a nungta Khristian laigelh masa
kimkhat in a pulaakna-ah, Nungzui John in hotkhiatna thu a genna hangin
Roman Kumpi in tuikulhah thongkia hi,
ci-in pulaak uh hi.
John in a teek nungah miglo khat bangin Roman ukpite’
bawlsiatna thuak hi. Kolbulhna, gilkialna thuak hi. Hehpihna nei lo Roman
uliante satna thuak hi. Nasep hamsa kisemsak hi.
“Aegean tuipi a om
bangmah a nuntaktheihlohna keugaw Patmos tuikulh in Roman kumpi langpang
mite thongkiatna mun hi. Ahi zongin Pasian nasem John in hih mun panin vantung
kongkhak mu hi. Leitung buaina tuamtuamte tawh kipelhin, a nasepna pan
tawlngakna ngahin, Patmos tuikulh in John aa dingin Pasian, Khrih leh vantung mite tawh a
kithuahna mun hong suak hi. Mailam thupiangte ding a ngahna mun hong suak hi.”
Ellen G. White, The Acts of the Apostles,
570, 571.
Pasian tungah citak uh hi mah taleh, kamsang, sawltak tampi
in gimna, bawlsiatna thuak uh hi. Dan. 3: 16 – 23; Sawl. 7: 54 – 60.
__________________________________________________________
_____________________________________________________________
Khrih nungzuite mite in John mah bangin gimna a thuak uh
ciangin Pasian in hong ompih hi, cih phawk ding kisam hi. John in gimna a thuak
laitakin ama tungah lametna, nuamna thu a pulaak Jesuh in, eite in zong gimna i
thuak ciangin Jesuh in eite tawh hong omkhawm hi.
Koi bangin Jesuh aa ding i thuak gimnate leh khentatna man
lote hangin gim thuakna na khentel hiam? A hang kithei lo gimthuaknate ngaihsun
in. Bang bang gimna thuak taleng koi
bangin Topa muang ding na hiam?
MONDAY Jan. 7
Topa’ Ni-in
Mang. 1: 10; Pai. 31:12; Isa. 58: 13; Matt. 12:8 sim in.
Topa’ Ni in bang ni hiam? John in gimna a thuak laitakin hih Ni in bangzahin
manpha hiam?
____________________________________________________________________
____________________________________________________________________
“John in a omna tuikulh panin Sabbath ni-in Topa vangliatna
mu hi. John in Judea gam sung khualian, khuaneu-te ah thuhilhin a zin
kawikawi-in zong ni siangtho, Sabbath ni-in tawlnga hi. John in hih ni-in kipia
kamciamte a ngahna thu pulaak hi.” Ellen G. White, The Acts of the Apostles, 581.
John in Sabbath ni-in Mangmu hi. Khrih Nihvei-na hong
kumkik ding a kipan a hong piang ding thute in “Topa’ Ni pulaak uh (Isa. 13: 6
– 13; 2Pet. 3:10) hi mah taleh, John in
a piang ding thute a muh hun in, Sabbath ni hi.
John in a muh thute in gimna vive hi mah taleh, Khrih hong pai ciangin
mi siangtho khempeuh in leitung gimna panin suakta-in vantung tawldamna ngah
ding hi, ci-in a Mangmuh ni Sabbath in hong theikholsak hi. Jew mite in Sabbath
tawlngakna in “a hong tung ding gamnuam” ( the olam haba) ciapkholhna hi, ci-in
pulaak uh hi.
“ Sabbath in, Eden huan panin Pasian in a koih hi-in,
tuikulh tunga amah kia-in a om John aa dingin Sabbath in manpha mahmah hi.
Khrih in manpha a sak Sabbath, John aa dingin zong manpha hi. John in ni dangin
tua bang Jesuh thuman thei kha ngei lo hi. Nidang sangin Sabbath a theihtelna
hong lian semsem hi.” Ellen G. White,
The SDA Bible Commentary, Vol. 7., 955.
Pai. 20: 11 sung a Sabbath thupiak leh Thkna. 5:15 sung a
Sabbath thupiak enkak in. Sabbath in na khempeuh kipiansakna thu, saltanna pan
suahtakna leh Pasian in eite hong bawlpa, hong honkhia pa hi, ci-in pulaak hi.
Koi bangin Pasian in eite hong Piangsak Pa, eite hong Honpa’ thu Sabbath
tungtawnin pulaak na hiam? Pasian in
eite hong Piangsakpa hi-in, hong Honpa hi keileh a hong piansakna in man nei
ding hiam?
TUESDAY Jan. 8
Patmos-ah Khrih tawh
Kimuhna
Mang. 1: 12- 18 sim in.
John pulaak thu leh Dan. 10: 5, 6 sunga Pasian kilaakna enkak in. Koi bangin Jesuh kilang hiam? Jesuh in bang
sem hiam?
______________________________________________________
__________________________________________________________________
John in Jesuh in siampi puansilhin meivakte lakah a pai mu
hi. Hih in nidang biakbuk sunga meivakte hong phawksak hi (1Kum. 7: 49). Jesuh
in meivakte lakah pai kawikawi-in, Pasian in Israel mite tawh tengkhawm ding a
kamciam pulaak hi (Siam. 26: 12).
Mangmuhna sungah meivak in Asia gam sung a om pawlpi 7 limcing hi (Mang. 1:20). Meivak lak pai-na in Topa ompih ding kamciam
– Amah in amaute tawh nungta ding a, tawntung inn ah amaute tawh tengkhawm ding
hi, cih limcing hi. Jesuh in siampi puansilhin meivakte lakah pai kawikawi hi.
Tua in Jerusalem biakbuk sung biakpiakna limcing hi. Nisimin siampi pa in
siangtho munah meivak hi. Siampi in meivak kuang tawntung dingin meivak a mit
dingte hemkhia-in a dang a thak khat koihin, meivak tui dim kik hi. Siampipa in
meivak khempeuh tel mahmah hi. Tua bang mahin Jesuh in pawlpi 7 bek hi lo, Amah
a um mi khempeuh mimal kitangsapnate hong thei hi.
Mang. 2:2, 9, 13, 19; 3:1, 8, 15 sim in. Jesuh in pawlpi 7
tungah amau kisapna thute “ Ka thei hi,” cih kammal bang pulaak hiam?
_________________________________________________________
__________________________________________________________________
Jesuh in Pasian ahihna amah leh amah in “A masa pen leh a
nunung pen” (Isa. 44:6; 48: 12) in pulaak hi. Greek laimal ‘eschatos’ cih
kammal in hun nunung cih pulaak kammal hi. Hun nunung a thupiang dingte in
Jesuh bulphuhin thupiang ding hi, cih hong hilh hi. Amah thupiakna tawh tua thute hong piang ding hi.
Amah in ‘sihna leh hinna’ tawhtang nei hi (Mang. 1:18). Tawhtang in thuneihna
leh vangliatna limcing hi. Ama nungzui mi khempeuh in lau ding bang mah om lo
hi. Bang hang hiam cihleh sihna in Ama ukna sungah om hi. Sihna in Ama ukna
sung hileh, Amah in nunna tawh kidim zaw hi. Hi mah lo hiam? Matt. 22: 32.
WEDNESDAY Jan. 9
A Beisa leh Tuhun aa Ding
Khrih’ Kammal
Mang. 1: 11, 19, 20 sim in.
Jesuh in Asia gam a om pawlpi 7 tungah a tuam vilvel thupuak pulaak hi.
Asia sungah pawlpi 7 sangin tam zaw om hi, cih thu in pawlpi 7 in a huampi-in a
thupi bang limciinna nei hiam?
_____________________________________________________________________
_____________________________________________________________________
Jesuh in pawlpi 7 tungah a pulaak thute John tungah a
pulaak thute Mang. 2 leh 3 sungah kimu hi. Tua thupuakte dawlthum kikhen hi.
A piangkhinsa Thu: Tua thupuakte in kum zalom khat hunlai-a
om Asia huam sung a pawlpi 7 tungah kigen hi. Tua pawlpite in hamsatna lianpi
pukha uh hi. Rome kumpi tungah cihtakna limla-in, khuapi tampi in gamuk makaite
bia uh hi. Emperor (gam uk) biakna khang mahmah hi. Gammite in tua bang
biakna-ah kihel loh phamawhsak uh hi. Khristiante in tua bang biakna a nialna
hangun, bawlsiatna leh thahna thuak uh hi. Khrih in tua bang gimna thuak mite
in a upna uh nusia lo-in Ama sungah a kip tawntung dingun laikhak dingin John
sawl hi.
Nuntakpih Dingpih Thute
Mangmuhna Bu in genkholhna Thubu hi. Tua pawlpi 7 in khang
khat khit khang khat sunga om pawlpi omzia pulaak hi. Pawlpi 7 tungah thupuakte
in kum zalom khat a om pawlpi a kipan leitungbei dong a om pawlpi omzia pulaak
hi.
Leitungbup Huam
Asia gam sung a om pawlpi-te tungah laikhak hi mah taleh
tua thute in Khristian khempeuh huam hi.
A vekin pawlpi sungah sim dingin a laikhak hi (Mang. 1: 11). Tua pawlpi 7 in omna kibang lo, a hun kibang
lo sung a om pawlpi khempeuh dinmun pulaak hi.
Gentehna-in Laadicean pawlpi in tuhun pawlpi dinmun pulaak hi. A
lungdamhuai thu in bang bang dinmun tawh nungta uh hi mah taleh Pasian in
mimawh mi khempeuh hon dingin hong zongin, hong it hi.” Ellen G. White, 1SM.,
22.
Topa in pawlpi 7 tungah a pulaak bangin na pawlpi tungah
lai hong kikhak dingin kingaihsun in.
Bang teng hong gen dingin na lamen
hiam?
THURSDAY Jan. 10
Ephesus Khua-a Pawlpi
Tungah Thupuak
Ephesus khuapi in Asia huam sung om Roman kumpi uk, vanzuak
vanlei-na khuapi lian khat hi. Asia huam sung tuipi-gei khuapi khat ahih manin
sumbawlna leh biakna phualpi khat hi.
Khua sungah biakinn golpipi, kimawlna inn tuamtuam, kisilna, numei
kizuakna a kipan gualnopna mun tampi om hi. Mitphial siam mi tampi omna,
khutsiamna nei mi tampi teenna khua hi. Ephesus khua in siatna leh dawi-upna
tawh kidim khuapi khat hi. Tua hi mah taleh Epheus pawlpi in huzaap lianpi nei
pawlpi khatin kiciamteh hi.
Mang. 2: 1-4; Jer. 2:2 sim in. Koi bangin Jesuh in
amahlemah kipulaak hiam? Bang thute hangin Jesuh in Ephesus pawlpi pakta hiam?
Jesuh in a lunghimawhpih bang thu pulaak hiam?
_____________________________________________________________________ _____________________________________________________________________
Ephesus pawlpi in hun khat lai-in itna nei-in citak uh hi
(Eph. 1:15). Pawl sung pawl pua panin
ze-etna, langpan a thuak uh hangin upna sungah kiptakin nungta uh hi. Hahkat uh
a, thuman sungah zungkha uh hi. Pawl sungah zuau thuhilhna peuhmah nial uh hi.
Ahi zongin tua bangin citakin hoihna
tawh kidimpi uh taleh Khrih a itna uh leh midangte a itna uh kiam hi. Thuman
sungah nungta uh hi napi itna nei lo ahih manun a thuzuihna uh in nungta nawn
lo hi; gamtat hoihna tawh Pasian maipha ngahsawm uh hi.
Mang. 2: 5-7 sim in. Ephesus pawlpi in hunkhat lai-in a
neih uh itna nei-in, Khrih leh a mipihte tungah itna nei kik dingin bang thu
pulaak hiam? Koi bangin hih thute in kizopna nei hiam?
________________________________________________________________ ________________________________________________________________
Ephesus pawlpi in kum zalom khat hunlai-a om pawlpi’ dinmun
pulaak hi. Pawlpi masa in itna leh cihtakna tawh kidim uh hi. Ahi zongin kum
zalom khat khit ciangin tua itna hong mitin, siangtho-na, thuman panin lampial
uh hi.
Itna nei lo pawlpi ngaihsun in. Tua thu-um mite in siatna
lianpi nei lo kha mai thei uh hi. Thuman
sungah nungta uh hi mah taleh ngei-na bangin om uh a, lawpna nei lo uh
hi. Koi bangin Jesuh in tua dinmun pan suakta dingin hilh hiam?
FRIDAY Jan. 11
Ngaihsutbeh Ding: Ellen
G. White, “ Patmos,” 568 – 477, in The Acts of the Apostles.
John in a thuak gimnate tungtawnin hehpihna a ngahna hong
suak hi. Patmos in vangliatna tawh a thokik Jesuh kilaakna mun hong suak hi.
John in mihingin a hong nungta Khrih theihtelna nei hi. Sektukilh tawh kikhetna
a khutpawmte, a khe-ma khempeuh in Ama vangliatna pulaak hi. Tu-in sihna pan a thokik
vangliatna tawh kidim a Topa mu dingin Amah mah hong kilang hi. John tungah a
kilang Jesuh in thu-um mi hi taleh thu-um lo mi khempeuh tungah eite in sihna
pan a thokik Khrih i nei hi, cih kilangsak hi. Hih thu in pawlpi nunna thaguan
hi. Khat veivei ciangin Pasian’ mite in khuamial nawkkha zel uh hi. Bawlsiatna,
langpannate in amaute susia zo lo hi.
Tua bangin gimna a thuak uh ciangin Khrih in amaute thuhilh
hi. Khrih in thongkia mite tungah kilangin, Ama tel mite tungah Amah mah va
kilaak hi. Meilipi sung dongah ama mite tawh omkhawm hi. Khuamialsah mahmah
laitakin aksi in a vangtang mahmah bangin gimna thuak mite tungah
Pasian’vangliatna kilang hi. Khuamial semsemleh sihna apn a thokik Jesuh, Dikna
Nitang hong kilang zaw semsem hi.” Ellen G. White, The Youth’s Instructor,
April 5, 1900.
Kikup Ding Dotnate
1. Patmos tuikulh a om John in a zak, a muh thute thu-um mite tungah
hong hilhsawn hi. Mang. 1: 12-20 na sim ciangin zak leh muh na nei hiam? Tua
thute tungtawnin lungmuanna na nei hiam?
2. Vantungmi masa (Mang. 14:7) in mi khempeuh tungah a pulaak thu
in: “ vantung, leitung, tuipi, ciktui a piangsak Pa bia un” ci hi. Hih in Pai.
20:11 siksan hi. Hun nunungah Mangmuhna pulaak bangin Sabbath in bangzahin
thupi hiam?
3. Khristian mi tampi nunna-ah a kilehbulh thu pawl khat om hi.
Pawlpi sungah om zawh kum tam semsem, upna thaneem semsem hi. A taktakin Jesuh tawh kizopna nei semsem hi
lehang a hong itna i tel zaw semsem ding a, kizopna kip tektek ding hi. Koi
bangin upna nei hi bek lo-in, lawpna leh
kipiakzawhna nei ding i hiam?
