Division pa ciagkhit Sia Khen leh Sia Pau(NKPau) Kimuhna

1. Sia Pau in ong genna-ah "Division pupi tungah ko pen ui le keel bangin, tun battle field a suak hi ungh ka cih leh ganhing khawina sungah sahang le sakhi-te zong om thei buang sam hi lo maw?" ong ci hi, ci hi. Tua ciangin ken zong, "Himah hi, sahang le sakhi siklen tawh kium kei leh, sahangte in sakhi-teng nelum khin ding hi.." ci ingh ong ci hi. Confernce inget sangin, Union Mission nih ngen zaw lehang hoih ding hi ong ci mah hi.

Kei muhna-ah, Union Mission khat icih pen GC/SSD Bylaws and Working Policy ah GC in Appropriation apiak kul ahi hi. Tua ban ah gam khat sungah gal hang, kilemlohna hang, minam buaina hang cih reason thupi omlo in piak ding ollo hi. SSD in tulai takin Union 13 nei-a atamzaw Mission vive ahih manin GC in hamsa sa hi, cih ko seplai-a SSD genbel thu khat ahi hi. Tua manin Self-supporting ding ong hanthawn uh a- 2000 pan SSD in Apropriation 5% khiam in 2005 ciang 100% self-support ding cih goal ong pia uh hi.

Tua manin Sia Pau nget Union cih pen hoih mahmah in tu hun in a piang pak lo ding thu hi zaw hi. Amau hun ma ciangah gamthak peuh Organize in Union ciin GC in na asep hun hi-a, eihun pen GC in Indigenous-te mature ding, self-support ding adeih huh ahih man ahi hi.

(Bang hang hiam cih leh, NAD in world church pen kum 100 vaal support ung, ko support field-te in membership 1 million cingta hi, ko tein 8 bek pha ung, tua manin ko ngah ding aitang midang khiat zo nawn kei nung ci hi. Tua laitak in Russia le China ah nasep ong kihon ahihmanin GC in Divsion level in sem nuam a abudget tua lam ah hei nuam hi. Tua manin Division asumpiak khiam hi. Division in Union apiak khiamsul leuleu ahih manin Union mission dangkhat pat tawm ding zah in kawlgam pen Union 2 khen tham salo uh hi)

Tua laitak-in Sia Lianpu in Attatch Field nget dingin gen hi, ahizongin, tuama pekin Conference ngetna Laipi SSD ah pawlpi mite(CPC) in khak khinzo ta uh hi. A laikhak ma un CPC in Sia Lianpu kuppih/lo cih bel ken theilo hing.(Ahang pen mikim kipum khat nading adeihman un CPC in kei Conference ah tawlpi khat ong hello uh hizaw hi. Tua pen ahang om-a, telnop leh mimal in ong dong lecin kong gen ding hi.)

Conference inget pen Union zong hi nailo-a, Local Conference hi. Union le Division adingin a vanzang mahmah ding hizaw lai hi. Tua pen a haksat nading omlo hi. Jeffry Pum Lian Pau in Myanmar Union in a hahsa lo nate a hak sa sak hi acih bangin, ahaksa sakte in ahaksa sak hi bek hi.

2. Sepna khat peuh ah Rules and Regulation om cih tawh kisai-in CPC in Rules and Regulation zui in Conference a ngen uh ahi hi: Working Policy sungah, Conference status pen Local Mission in ngetna bawl ding hi ci hi. Tua bangin a bawl kei leh, institution or churches honkhat kithukim in initiate ding uh hi ci hi. Hih tawh i et ciangin Conference ngetna pen Lampial lo hi.

3. Pawlsungah Conference vai ong kipat ma-in, Union kiteelna om-a Pr. Kenneth in Upper Myanmar President ngah hi. Pawlpi mite(Pa Pum Za Lian) in ATI le isang nengnengte a suksiat ding dah ahihmanin, Yangoon ah Pr. Kenneth pen biakinn mailim nuai ah hopih hi. Pr.pa in kei sang susia dingin ong pai hikeng ci hi.

Ahizongin Upper Chindwin ah mipite ong buai uh hi(Kei yangon tungta ingin atelpihloh tampi om hi).2001 February in ATI phiatna Union in vote alak ciang mipite lunghimawh kan lai uh hi leh kilawm hi.

Mipi le UMM kikaal tension ong om hi. Union ah kikum uha, Pr. Tin Tun paito hi. Conference deihte Cancerous disease tawh kibang ahihmanin, "mut be cut off in time" ci hi. Pr. Muller le group Tahan pai leuleu in Conference vai kikum uh hih tuak. Tua lai ah Pr. Ngul Khaw Pau(Sia Pau in, " Union in tawliak un acih leh liak suk lel leng. . . " cin mipi thu hilh ci hi.

Tua kawmkal-in, SSD in buaina thu za uh hi. Kai Za Dal in sawm-akhat teng la hi, cin SSD ah email kipuak pen SSD in athuhkikna Yangoon Zohun ah kisim kei zong za ing.

4. Tua bang bilbial laitak in SSDte in Kai Za Dal, Khen Do Pau, Khual Za Nang cihte tawh Yangoon ah kimu in Union tawh lem hi. SSD Pupi kikheela, Pr. Gulfan Jr. in alet ciangin Kawlpi ong paito hi. Conference kalsuan nading guideline ong gen hi.

5. Tua pen 2003 Sept 24 ni hi. Sept 25 in SSDpu, Pr. Muller, Sia Nelson-te Yangoon ciah hi.Aciahkhit un, UMM Lai-atpi Pr. Khual in CPC te kaikhawm in kalsuan zia ding kikupna Kalemyo Pinlon biakinn sungah,kinei hi. Tua sungah, UMM pan Confernce ngetna lai Union ah khak ding, planningte pen akisam bangin UMM le CPC in geel ding ci-in orally(gentleman agreement) kinei-a UMM in moh le softdrink tawh ong vaak hi. Tua kimlai October ciang CPC te paikhia ding cih gingsak uh hi. Tua ciangin CPC in Khual Za Nang sawl in Yangoon Union pupite tawh kiho saka, lung himawh kei un cih kamciam pia lai hi.

6. 2005 December in Union Mid-term ah kiteelna bawl dingin, SSDpu ongpai-a, kiteelna aman ciangin Sia Kai Dal le Kei lai ong khak in Myanmar union main stream of church tawh ki pum khat ding ong kun hi. Sia Dal tawk kikum in "Ut mah ung, SSD in ong makaih in, dialogue, reconciliation, le reunification dong ong makaih un," cin ka thuk uh ciangin SSD pu nuam mahmah a, 2006 ciang UMM session ah ong painingin ka agenda pen Unification bek hi ci hi.

Tua bang cinapi, Union le UMM in, agenda masa pen in Conference deih 17 Churches disbandment bawla SSD pu khitui luang hi ci hi. Aziing ciangin SSD pu in azintunna Eden Motel ah ong sam-a nai 3 tang Pawlpi thu kikum ung. Tua sungah, a zani-a Session ah conference deihte representative kihello hi, Ka cih leh, SSD pu in "ken Churches khempeuh na sam un ci-a ka vaikhak hi.  . " ong ci tektek hi.  

Tua disbandment apiak nading uhin, Pr. Nginkok in thu gena, CPC-te pen Sunday tangte tawh kipawlta hi, lampial hi cin paulap pia ci hi--tua thulah amanlo thu ahi hi.

Hih bangin CPC te in Rules and Regulation sungah kalsuan nop hangin, a nilkhia thuneite hangin hi ciang atung ahi hi. Sia Pau thu i manloh man cileng zong kici thei hi--Union taw liak nuam lo ihihman cih ding hi ve.

7. 2006 March kha in Confernce lamte in amau dinmun uh Official Declaration bawl uha, Union, SSD copy pia uh hi. Tua sungah upna, theology, missiology le organizationa tawh kisai SDA-te pomzia nial neilo uh ahihna mi 12 in letmat thu in tangko uh hi.

Tua manin Conference-te Sia Kai Dal le Sia Khen in lampial pih cih sangin Union deihloh mipi te, Union in apaih khit ciang in makaih uh hi cileng aman zaw ding ahi hi.

Atom theithei-a kong gelh samsam hi in, telloh aom leh kithuza zel ni e. Pr. Kenneth tawhka kihona sung ah zong tampi om in na deih leh ong forwad ning e, ong zasak kik ve.

Hihte pen buaina agen nuam-a gen hilo in, a omsa buaina te telsiam in mailam kalsuanzia ding geel theih nading deihna hi-a mimal kosiat nopna lungsim hi lo hi.

Hong it,

Sia Khen

Ratchaburi.