9
February 2019
Lungkhamhuai
Zanmang
Antonio Jose Abreu, kum 45
Antonio
in Sao Tome khuapi-ah om palik khat hi-in, a nunzia in buaina tawh kidim hi. A
lawmngaihnu tawh kingaihzawh a sawt lo-in kiteeng uh hi. A sawt lo-in numei
dang kingaihpih nei kik hi. Palik panin kikhawlsak hi. Kum khat khit ciangin zu
bawlna mun khatah nasep ngah hi. A zi tawh kiho thei nawn lo uh ahih manin a
nupa-un kikhen uh hi. Tua khitteh a pa in sihsan hi.
Antonio in zu tawh kidiah hi. Numei
dang khat tawh kituahin, ta pasal nih leh ta numei khat hong nei uh hi. A sum ngah khempeuh zu dawn nadingin zang
khin ahih manin inn sungah buai-na hong tung hi. A tel zawh loh mang tuamtuam
hong man zel hi. Sao Tome khua-a om mite in mang thupi ngaihsut mahmah uh hi. A
mang sungah tuiciin a mat uh leh khua sungah buai-na piang ding, singgah a mat
uhleh innkuan sungah sihna om thei cih dangin mangkhia uh hi.
Antonio in a mang sungah kahlei nih
mai-ah dingkawmsa-in van pua , mang man hi. Tua kahlei khat in tanzau mahmah a,
a dang khat in a hihleh a totna lampi kawtoi mahmah hi. Tua vangik in a
lunggimna limcing hi dingin ngaihsun hi. Tui in tuikiphumna limcing hi. “ Tui
kiphum nadingin zongsatna hoih lo khempeuh nusia ta ding cih theikawmsa-in
kituiphum hi. Lai Siangtho sinna nei uh a, tua khitteh a zongin kituiphum hi.A
zi tawh kitengpha kik uh hi.
Tu-in Antonio in kum 45 cingkhin hi.
singtawh nasepna mun khatah sum sazian kem hi. Pawlpi ah deacon makai-in kiseh
hi. Pasian tungah a ki-ap manin a nuntakna in nopna tawh kidim hi.
Tu
quarter Sabbath School sumpi in Sao Tome khua-ah kipuak ding hi. Sao Tome
tuikulh ah 1936 kumin Portuguese laibu zuak Jose Freire va tung a, Adventist
thupuak masakna hong suak hi. A masa penpen Adventist thu-um mi kituiphum hi.
MUC in Kachin, Ngawng Chaung ah biakinn
lamna dingin kipuak ding hi.
