7
Septermber 2019 Sabbath 36na
SDA
Pawlpi’ zuih Sawm-ah khat leh Sumpi Piakna
“Midangte tungah na pia un. Tua hileh
Pasian in note tungah zong hong pia ding hi. Bang hang hiam cihleh midangte na
piakna uh tawh kizui-in a henhen, a tahtah, a dimletin Pasian in note tungah hong
pia ding hi,” a ci hi (Luke 6: 37).
SDA pawlpi in neihsa kepna leh zeekna
tawh kisai a genkhiat thute in thupi, mannei mahmah hi. Kuamah dangin tua
bangin nei lo uh hi. Topa in Israel mite tungah biakbuk leh a sung a biakpiakna
tawh kisai thukhun tuamtuam a piak mah bangin, tuhunin zong pawlpi in
hotkhiatna thu genna dingin pawlpi in piakna tawh nasem hi. Sawm-ah khat in
sia-te cialna hi-a, sumpi in pawlpi sung kisam tuamtuamte aa ding leh nasepna
tuamtuam aa dingin kizang hi.
Sawm-ah khat pen khua-tual pawlpi in
tungsiah (conference, mission, union, division, GC) cih bangin a dawldawl in
kipuak to hi. GC panin a gamgam, a
munmun-ah hong hawmkhia kik uh hi.
Tua
bangin GC panin gam tuamtuamah a hawmkhiat kik uhteh sia-te leh pawlpi nasep
dungzui-in hawmkhia uh hi. Mission leh
conference tungah a piak uh zong kibang lo hi.
Ciitpiakna (freewill offering) pen tualpawlpi nasepna tuamtuam leh pawl
sung kisapnate ah kizeek hi.
Tualpawlpi in sawm-ah khatte tungsiah
puakin, tungsiah panin tualpawlpi ah hong hawmkhia kik uh hi. Tua in Pasian
nasepna panpihna lampi khat hi. Khua sung, kimlepaam ah nasepna dingte zong
tualpawlpi in hanciam ding kisam hi.
Thuumna:
Leitungbup huamin hotkhiatna thu gen, tangko-na-ah kihelna in hamphatna khat
hi. Tawntung nunna aa dingin mite
kigingsak khol nasep in manpha hi.
Thungetna:
Topa aw, pawlpi nasep a panpih mite mi
hampha hi. Mi hampha ka hihna kiphawkin, nangma nasepna-ah a kihel kim dingin
hong huh in. Amen.
