5
October 2019 Sabbath 40na
Bucing
Neihsa Zeekna
“Mihoih a kineihkhem, no Thukham hilh
siate le Farisi mite in gimna na thuak ding uh hi. Note in Pasian tungah
lengmasel, masala, le kummin sing namtui a kipanin meh namtui nam khempeuh,
sawm-ah khat pia napi-in,thukham sungah a thupizaw ahi thutang, hehpihna, le
thumante na don kei uh hi. A dangte nusia tuan loin hih thute na zuih ding uh
ahi hi. Matt. 23:23.
Neihsa zeekna i gen ciangin sawm-ah
khat leh sumpi bek dingin kingaihsun kha zel hi. Ahi zongin neihsa zeekna in
tua sangin tangzai zaw hi. Neihsa kepna
leh zeekna in Pasian mai-ah i nunna zia khempeuh huamkim hi. Eite in Pasian’
neihsa kem, a zeek mite i hi hi.
Pasian’ hong piak nate midangte aa
ding thupha ahi dingin i zat ding kisam hi.
I kim le paam nate kep kul ding kisam hi. Cidamna kep kul hi. Mi tawh kizopna hoih neih
ding kisam hi. Na khempeuh ah Pasian’ gam masak ding kisam hi. Hihte khempeuh
in neihsa kepna leh zeekna tawh kisai hi.
Laithei-te leh Farisai mite in sawm-ah
khat leh na tuamtuamte ah citak mahmah uh hi napi, mi hehpihna, thukhualna
cihte nei lo uh ahih manin Jesuh in amaute thuhilh hi.
Pasian’ thupiak bangin a nungta mi na hi
hiam? Koi bangin mite mai-ah Pasian’ min dai-sak na hiam? Neihsa kepna leh zeekna-ah Pasian’ deih
bangin i nuntak kei leh nungzui taktak i hi kei hi.
Thuumna: Neihsa kepna leh zeekna in i nunna khempeuh
huam khin hi. I sepna khempeuh sukha hi.
Thungetna:
Topa aw, na deihna tawh kituakin ka nuntak nadingun hong huh in. Amen.
