4May
2019 Sabbath 18na
Sawm-ah
khat leh Sumpi Kilamdanna
“Pasian in piaknopna lungsim tawh a
pia mite bek deih ahih manin, a kuama peuh in na lungsim sung uhah na
ngaihsutsa zah ciat uh na pia unla, pia nuam lopipi leh sawlzawh thu bek tawh
na pia kei un.” 2Kor.9: 7.
Sawm-ah khat leh sumpi bang kilamdang
hiam?
1.
Sawm-ah khat pen i ngah,hong lut khempeuh
panin piak ding hi. Sumpi pen eima piaknop zah, piak zawhzah, mimal khensatna
tungah kinga hi.
2.
Sawm-ah khat pen Pasian in a sehtuam hi.
Sumpi pen mimal khensatna hi.
3.
Sawm-ah khat in biakpiakna khat hi. Sumpi
zong biakpiakna khat hi.
4.
Sawm-ah khat pen Pasian aa hi. Pasian in
keima aa ci hi. Sumpi pen Pasian’ hong piak thupha-te lak pan i khenkhiat hi.
5.
Sawm-ah khat pen Topa’aa mah a ap kik, a
pia-kik i hi hi. Sumpi pen i piak ( i khiat ) hi.
Sawm-ah
khat pen i ap kik hi-in, sumpi pen i piak hi, cihteh bang a cihna hiam? Pasian
in Sawm-ah khat pen keima aa hi; ka
neihsa hi, ci hi. Tua hangin Amah a ap kik i hi hi. Ama aa i ap khitteh a
cianlai-te tungpanin i khensatna tungtawnin sumpi i pia hi. Sawm-ah khat piakna
pen sumpi pia hi lo hi. Sumpi khia lo-in, sawm-ah khat bek a pia mi in, Pasian
neihsa a pia kik hi pan a, sumpi khia hi nai lo hi.
Thuumna:
Ngahna, muhna khempeuh panin sawm-ah khat, Topa’ aa piakkik ding hi lo hiam?
Koi bangin sawm-ah khat na piakkik hiam? Pasian hong piak thupha, na neih na
lamh khempeuhte hangin Topa tungah lungdam lo ding na hiam? Sawm-ah khat
piakkik citak in.
Thungetna:
Topa aw, ka kitangsap khempeuh uh hong pia Topa aw, na tungah lungdam ung. Na
tungah sawm-ah khat ah cihtakna tawh ka nungta ding uh hi. Nong piaksa-te panin
piaknopna lungsim tawh sumpite zong kong pia uh hi. Amen
