4
January 2019
Helicopter
tawh kikaikhia
Botswana|
Kenaope Kenaope, Kum 50
Kenaope
Kenaope in Botswana khua-a om SDA pawlpi makai khat hi. Mawtaw tawh khuapi khat
le khat kawmin a pai-na lampi tawh kinai mahmahin vanleng ginngaih mahmah leng
kawikawi hi. Tawlkhat khitteh vanleng in Kenaope makhelhin lensaan hi. Kenaope
in palik-te in migilote zong kawikawi uh hi ding hi, ci-in ngaihsun hi. Kenaope
in a denlam deuhin khe tawh lampai mi khat mu a, palikte in tua mipa zong uh hi ding hi, ci-in
ngaihsun hi.
Tawlkhat khitteh Kenaope tawh kigam lo
mun khatah vanleng hong khawl suk hi. Kenaope zong patau-in lauthawng ahih
manin a mawtaw tawm khat damhawl zaw deuh hi. Helicopter kumsukna hangin
Kenaope kimtengah leivui leh nahpaa tampi hong kikhawm hi. Kenaope zong a
mawtaw sung pan hong pusuak hi. Botswana-ah palikte in mawtaw hawlte a khawlsak
ciangin mawtaw hawlte in palikte kiang va naih uh hi.
Kenaope in a kikhopna biakinn pan a
ciah ahih manin, coat puan leh neck tide tawh, palikte kiang va naih ding maw,
cih hong ngaihsun hi. Palik nih in Kenaope hopih in, “nang hong man ding a hong
delh hi ung,” cih a zak ciangin Kanaope in a cih nading thei lo hi. Bang thu
bang vai hiam ci-in palikte dong pah hi. Palikte in bang gen hiam cihleh na
mawtaw hatsak lua na hih manin, hong delh
hi ung, ci-in dawngkik uh hi.
Mawtaw
hatsak lua
Kenaope in tua ni-in mun nih ah kikhawm ding ahih manin a mawtaw hawl hatsak
mah mah hi. Nai khat tai 95 bangin hawl hi. Kenaope in Francistown panin tai 270 gamlatna khua khat Gaborone
ah Tan 10 sanginn hon pawi nei dingin
tua bangin a mawtaw hawl hatsak mahmah
hi.
Kenaope in kisuang kawmkawmin a mawtaw
hawl theihna license palikte pia hi. Kenaope in TV ah thugen minthang khat ahih
manin, mi tampi in thei hi. Amah a man palikte khat in zong Kenaope thei ahih manin, koi-ah pai
ding na hiam ci-in dong hi. A dot khit ciangin a license pia kikin, dam hawl
in. Lauhuai hi, ci-in pai kiksak hi. Mawtaw niingawpin, mawtaw tungah nahteh
leh leivui dim hi. Palikte in tua thu
hangin Kenaope tungah thuum uh hi.
Mawhmai-sak
A Nopna
Tua
a kipan Kenaope in mawhmai-sak a nopna thu hong phawk sansan hi. Tua
ni-in palikte in Kenaope’ mawhna maisak uh a, Kenaope in zong midangte mawhna
maisak ding kisapna hong tel zaw semsem hi. Botswana-ah tua bangin mawtaw
hatsakna hangin palik in a khawlsak uh mi tam lo hi. Mawtaw hawlte in zong
kidawm kawmin hawl uh hi.
Palikte in helicopter tawh delhin a
phak khit uhteh Kenaeope’ mawhna maisak uh hi. Hih in Kenaope’ lungsim khel hi.
Palikte in a mawhna maisak uh a, tua bangin Pasian in zong mawhna hong maisak
hi. Midangte tungah zong mawhmai-sak ding kisam hi, cih telpha hi.
Mawtaw hawl mi khat in a mawtaw hatsak
lua-in a man dinginh helicopter tawh hong pai in, a mat khit uhteh a khialhna
maisak uh a, tua bangin helicopter tawh a pai-na hangun hun bei leh sum bei
mawkna hi, ci-in Kenaeope in ngaihsun hi.
Kenaope in kum 50 pha khin a, tu-in
Botwana Union Conference makaipi hi. Kikhop khit ciangin a mawtaw hatsak lua-in
palikte in helicop tawh a mat-un, Kenaope in Gate Primary School kikhopna-ah a
vapai laitak hi. Hih Gate Primary Sanginn in 2015 kumin Sabbath School sumpi
tawh kilam sanginn khat hi.
Kenaope in a khualzinna-ah helicopter
a muh ciangin, mawtaw hatsak lua maw, ci-in kisittel pahpah hi. A kimat khit a
kipan hoihtak kidawm thei hi.
1962 kumin Botswana-ah Adventist
sanginn khat kilam hi. Hih gamah Adventist biakinn leh company 228 om hi. Member pen 44,554 val om hi. Gambup
mimal 226,000 val om a, gammi 50 ciangin SDA thu-um mi khat om hi.
Tu quarter leitungbup Sabbath School
sumpi, Mozambique gam leh Saotome Prince gamah kipuak ding hi. MUC in Kachin,
Ngawng Chaung ah biakinn lamna dingin kipuak ding hi.
