31
August2019 Sabbath 35na
Neihsa zeekna-ah Pasian Masakna
“Midangte in na gamtatna hoihte uh a
muh ciangin vantungah a om na Pa uh min a phat theih nadingun mite mai-ah na
gamtat hoihna uh khuavak bangin na kilangsak un”
(
Matt. 5: 16.)
Pasian in Piangsak Pa, na khempeuh a
Nei Pa ahihleh i nuntak theihna in Ama hang bek hi, cih kitel hi. Mitphiat kaal
na khempeuh bei mang thei hi. Tua hi-in Ama tungah kinga hi hang. Hih thu phawk
lehang i kalsuan zia, i ngaihsutna in Ama deih bang ding hi. Pasian deih bangin
nunzia pawl khat a nuai-a bangin kilangh ding hi.
1.
Hun siangtho: Topa tawh kizopna -
zingsiangtungin thungetna, Lai Siangtho simna, Kamsangnu’ laigelhte simna,
Sabbath School Lesson simna leh innkuan biakpiakna nei ding
2.
Mi tawh kizopna-ah thumanna, mawhmaisakna,
itna nei ding
3.
Cidamna tawh kisai annek, gamtatzia zui
ding
4.
Kaal khat sungin nitak khat ahih kei leh
zingsang khat, Pasian nasepna nei ding – midangte Lai Siangtho sinpihna,
thunget khopna
5.
Sabbath ni siangtho-a zang ding
6.
Sawm-ah khat citak ding
7.
Sumpi piak hahkat ding
Thuumna:
A tung-a i pulaak thute nuntakpih ding kisam hi. Tua bangin a nungta dingin
Topa tungah ki-ap in.
Thungetna:
Topa aw, kong ki-ap hi. Na khempeuhah nangmah a hong masak dingin hong huh in.
Amen.
