“Tua ahih manin tuhun a ka nuntakna
zia pen kei hang hi nawn lo-in ka sungah a hong om Khrih hang ahi hi. Tua hi a,
keimah hong itin, keima a’dingin a nuntakna a hong pia Pasian’Tapa ka muanna
tawh tu laitakin a nungta ka hi hi” (Galati 2: 20).
Neihsa sepna leh zeekna in sawm-ah
khat leh sumpi piakna bek hi lo hi. Sawm-ah khat leh sumpi in i lungsim pulaak
hi. Sumpi i piak ciangin i lungsim Pasian pia ihihna kisam hi. Neihsa kepna leh zeekna in i nunzia pulaak
hi.
Khrih tawh sikhawmin, i sungah Amah a
hong nuntak ciangin huaiham, angsung aa dingin nungta nawn lo-in, mite aa dingin
i nungta ding hi. Ci le sa deihna nialin, kipiakna hong om ding hi. Kiphatna
lungsim bei ding a, Pasian tungah ki-apna, kiniamkhiatna hong om ding hi.
Leitung nate itna panin vantung thute
itna hong om ding hi. Khrih mitsuanin nuntakna hong om ding hi. Tawmvei sung
nunna sangin tawntung nunna lunggulh zawkna hong om ding hi. Ci le sa ki-ukna panin Kha Siangtho’ ukna
sungah nuntakna-ah kikhelna kimu ding hi. Jesuh tawh kizopna hoih i neih
ciangin gamtat zia le tong hoih hong om thei pan ding hi.
Thuumna:
Jesuh mitsuan a kalsuan ding kisam
hi.Tua hileh i upna in zungkha semsem ding a, a gah nei upna hong suak ding hi.
Thungetna:
Topa aw, nangma nasem dingin hong bawlpha, hong khel in. Amen.
