30
March 2019
Dawi-te
Hawlkhia
Mordecai
Msimanga, kum 68
Tu quarter sungin Bostwana,
Mozambique, Sao Tome & Principe leh Angola gam a nasepnate i za zo hi.
Tu-in Zimbadwe gam pan Global Mission
nasem khat ii thu i pulaak ding hi.
Global Mission nasem Mordecai in,
Zimbabwe gam Nkai khua-ah Pasian thugenna nei-in, tua lai-ah kum 35 a pha
meigong numei khat in Mordecai kiangah kiangah va hawh hi. Zingsangsial a thawh ciangin puansilh lo-in
khanglo den a, lau pipi-in tho den hi.
Meigong nu in amah leh amah zong kithei zo lo-in, lamdangsa-in Mordecai
kiangah a thupiangte va pulaak hi. Mordecai in tua bang thupiang za ngei hi;
ahi zongin bangci bang hiam cih pen tel zolo hi. Dawi nasepna ahihlam theitel hi. Numei kiangah “ Khrih na um hiam?ci-in dong
hi. Na up leh thungen ding hi hang,
ci-in hopih a, Khrih in na thuak gimna panin hong damsak ding hi, ci-in pulaak
hi.
Tua numei in Khrih, Honpa leh Tanpa-in
sang a, pawlpi mite in ni 3 sung thungetsak uh hi. A ni 3 ni ciangin Mordecai
in tua numei bangci hiam ci-in va dong
hi. Ni 3 sung bang mah piang lo hi; hoih ing. Zingsang ciangin ka puan
kisuah nawnlo hi,” ci-in pulaak hi.
Tawlkhat khitteh tua numei kituiphum
hi. Tua a kipan dawi in bawlsia nawnlo hi.
Zimbabwe
gamah dawi vei mi tampi om hi. Mordecai in Adventist om nai lohna munte-ah
thugen in, dawi vei mi tampi tuak kha hi. A nasepna Matopo huam sung khua khata
om Sunday biakinn ah thugen dingin kisam hi. Tua munah khuk natna nei numei
khat aa ding thungetna nei hi. Jesuh min suangin ci-in thu a nget ciangin tua
numei in lei-ah tuksuk hi. “ Tua a kipan dawi in tua numei sung pan pusuak khia
hi; tua khit zawh bang mah natna nei nawn lo hi. Mordecai in kum 68 pha khin a,
tua dawi-vei in damna ngahin tu-in Adventist sungah kituiphum hi. Mordecai in
dawivei mite kiang bek hi lo-in, 2007 a nasep a kipan inn khat khit inn khatah
pai-in, Sabbath thuman leh Jesuh hong kum kik ding thu pulaak kawikawi hi.
Tua bangin a nasepna panin mi 16
kituiphum uh hi. Pawl dang pastor khat zong SDA sungah kituiphum a, SDA pawlpi
khat kiphut thei suak hi. Mordecai in Zimbabwe leh South Africa tawh kigamgi
khua khatah kumpi sanginn khatah Pasian thugenna nei a, tua sungin dawi vei mi
8 damsak hi. Tua bangin Pasian thugen a
neihna-ah singlamteh tungah Khrih kikhai lim a muh lianleh, kum 48 a pha dawi
vei numei khat thakhatin diangkhia-in inn pua-ah taikhia hi.
Kikhop man khit ciangin tua numei in
sanginn nunglam mun khatah na lum hi. Taangvet lo-in misi bangin om a, inn sung lutpih kik uh a, sualtungah lumsak
uh hi. Mordecai in numei 10 kim bang kaikhawmin, lasakna leh thungetna nei
khawm uh hi. Jesuh thu a gen laitakun tua numei hong tho-to vat kik a, kitom
gawp, sual tungah kisuk gawp hi. Dawi in nusia nuam hi, ci-in Mordecai in gen
hi. “ Thu i ngen ding hiam” ci-in Mordecai in a dot ciangin tua numei in
bangmah dawng kik nawnlo-in, sual tungah tanglo-in omcip hi. A sungah dawi om
lai hi,cihna hi, ci-in a gei-a omte kiangah gen hi.
Pawlpi mite in lasa-in thungen kik uh
hi. Jesuh min a lawh uh ciangin tua numei in hong thoto-in sual tungah kikhuk
gawp leuleu hi. “ Thu i ngen diam,” ci-in Mordecai in a dot kik ciangin, tua
numei in tanglo-in omcip kik hi. Tua bangin nitak 9 pan kipan zingsang nai 3
dong lasa, thungen uh hi. Giat vei bang lasa, thunget khit uh ciangin tua numei
in Mordecai kiangah thungen ding in sawl hi. Tutna tungah tu-in tua numei in “
kong it Jesuh aw, dawi vei-na pan damna nong piak manin ka lungdam lua hi, ci-in
kiteltakin hong pulaak khia hi. Nangma kiang kong pai hi; kei hong huh in. Hih
mite bangin nangma nasem dingin hong thahatsak in, ci-in hong paukhia hi.
Tu-in tua numei in SDA pawlpi sungah
om a, deaconess sem hi.
Tu quarter leitungbup Sabbath School
sumpi, Mozambique gam leh Saotome Prince gamah kipuak ding hi.
MUC in Kachin, Ngawng Chaung ah biakinn
lamna dingin kipuak ding hi.
Nung Sabbathin zaksaksa om bangin
Sabbath 13 a cin ni, tu Sabbath, sumpi khiat ngei zah thum khiat ciat dingin i
kihanthawn pha kik hi.
