3
Aug. 2019 Sabbath 31na
Kimlepaam kepna in Pasian tawh Nasepkhopna
“Vanglian Topa, ka kumpi le ka Pasian
aw, na biakna tau-ah kawlgit nangawn in a inn ding mu a, phialphiah in omna
ding, a note a koihna ding bu a mu hi.” Late 84: 3
Pasian in a bawlsa na khempeuh it hi.
Singkung lopa, mualpi mualneu, tuipi, suang manpha a kipan kawlgit hi taleh a gol mahmah
ganhingte zong Pasian in it hi. Hihte khempeuh in Ama minphat uh hi. Pasian in Ama bawlsa na khempeuh a kem dingin
mihing hong sawl hi. Kimlepaam nate
kepcing nasep in nasep mawkmawk hi lo-in Piangsak Pa phawkna, Ama bawlsa i
hihna pulaak hi. I masuan khat peuh hoihtak sepna in Ama tungah thumanna hi.
Pasian in nuntakna nei khempeuh kipatna hi. Tawntung nunna i deihleh Ama tung
pan bekin tua nunna i ngah ding hi. Topa tungah cihtakna in tawntung nunna
lampi hi-in, ama tungah cihtak lohna in tawntung siatna lampi hong tun ding hi.
“ Na hehna hong kilat hun hong tungta
a, misite thukhen nading hun hong tungta ahih manin minam dangte heh mahmah uh
hi. Nangma nasem kamsangte, a lian a neu, nang hong kihta mi khempeuhte thaman
na piak ding hun hi ta a, leitung a susia mite na suksiat ding hun hi ta hi,” a
ci uh hi” ( Mang. 11:18).
Kimlepaam en lehang na khempeuh kisia
khin hi. Bang hang hiam cihleh aituam nopsak nading bek in nungta i hih manin
tua bangin nate zong kisiat khin hi. Mi kimkhat in kimlepaam nate kepcing kul
sa lo uh hi. Ni khat ni ciangin a kisia veve ding hi, ci uh hi. Ahi zongin
kimlepaam nate kepcing ding kisam hi. Bang hang hiam cihleh Pasian in a bawlsa
na khempeuh it hi. A bawlsa nate hoihtak kepna in Pasian tawh nasem khawm i hi
hi.
Thuumna:
Mimal khat ciat in kimlepaam tungah huzaap i nei thei hi. Piansak nate susia
lo-in kemin, puah ding leh khat le khat ki-it ding kisam hi.
Thungetna:
Topa aw, na bawlsa nate’ hoihna hangin na min kong phat uh hi. Kimlepaam nate a
kemcing thei dingin hong huh in. Amen.
