2March
2019 Sabbath 9na
Pasian’
Kamciamte leh Upna hangin Hauhna
“ Ka innah an a om theih nadingin
ansal sungah sawm-a khat a buppi-in hong puak un. Kei hong zia-et dih un.
Vantung kongkhak zapite hongin a koih nading na neih loh zah dongun thupha kong
sungkhia hiam, kong sungkhia kei hiam? Thahatpen Topa in ci hi.” Mal. 3:10.
Hih Malachi genthu limtak ngaihsun lo
hi leng, sawm a khat leh sumpi i khiat ciangin Pasian in hong hau-sak ding hi,
ci-in kingaihsun kha ding hi. Tua bangin
na ngaihsun ngei hiam? Mi tampi in Pasian
tungah i piak ciangin hauhna kingah ding hi, ci uh hi. Hih bang
ngaihsutna in angsung huaihamna, nopsakna mitsuan hi. Tua bangin amaute lamet
bangin a pian loh ciangin, mi tampi in a upna nusia uh hi.
Koi bangin Pasian kammal theitel ding
i hiam? I ngah khempeuh lak pan sawm-ah khat in Pasian aa hi. Sumpi ahih leh i lungsim khensatna bang
bangin piak ding hi. I ngahna tungtawnin sawm-ah khat kipia hi. Ngah masa phot
hang a, tua khitteh a pia i hi pan hi. Tua hi-in thupha ngah nadingin sawm-ah
khat a pia i hi kei ding a, thupha ngah mite ihih manin sawm-ah khat pia i hi
zaw ding hi. Pasian in hong pia masa hi. Amah i itma-in ama’n hong it masa hi.
Thupha i puakma-in Ama’n thupha hong pia masa hi. Ama tungah i citak laisiah
Topa in thupha hong pia ding hi Neihlelamh hau-na bek thupha-in na ngaihsun
hiam? Pasian in lampi tuamtuam tawh thupha hong pia hi. Hong piak thupha-te
phawkin Amah deih bangin i nuntakleh, a kamciam
(Malakhi 3: 9, 10) hong tangtung ding hi.
Thuumna:
Topa’ kamciamte um in. Nuntakpih in.
Thungetna:
Topa aw, na thupha-te hangin lungdam ko kong uh hi. Nong piak thupha-te
zeeksiamna hong pia in. Amen.
