2February
2019 Sabbath 5na
Jesuh,
A Lianpi Stewardship
Jesuh in tangthu tampi gen a, tuate
lak pan khat in leeggah lo nei pa khat in nasem dingin nasem ding mi cial hi
(Mat.21: 33- 45). Leenggah lak hun
ciangin lo nei pa in a sila-te leenggah kaikawm dingin paisak hi. Lo nei pa in
amaute that gawp ding a, a hun hunin leenggah a pia ding lo khawhlawh dangte
khosak ding hi,” a ci hi.
Pasian in ama kamsangte khat khit khat
hong paisak hi. Pasian mite in tua kamsangte nial uh hi. A tawpkhakna-ah Pasian
in a Tapa hong paisak a, amaute in Pasian Tapa zong that uh hi. Hih thu in a
dang thu zong hong hilh hi.
Hih thu in neihsa kepna leh zeksiamna
tawh kisai thu zong hong hilh hi. Lo nasemte lo nei pa’ neihsa hoih tak kem lo, zahtak lo banah mawhna lianpi bawl uh
hi. Neihsa kem leh a zeeksiam mi in a topa’ kepsak nate hoihtak kem hi. Lo nei pa leh lo nasemte in Pasian’ hong itna
in mihingte ngaihsut bang hi lo hi, cih hong hilh hi. Pasian in phaltakin a
Tapa hong pia-in, tua banah ama nasem mite aa dingin a nunna hong pia hi.
Thuumna:
Pasian’ neihsa nate kemcing mi khatin na
kingaihsun hiam? Pasian’ hong piak thupha-te na zatna in na khempeuh a pianna,
thupha khempeuh hong pia Pa tawh na kizopna zia pulaak hi lo hiam? Amah tawh
kizopna hoih na nei hiam?
Thungetna:
Topa aw, nangma neihsa kong guksak khakte uh hong maisak in. Ka nunna uh nangma aa dingin a zang mite hong
hisak in. Nong piak thupha-te tawh na
tungah a lungdam thei mi hong hi sak in. Amen.
