2February
2019
Lai
Siangtho tawh Lungmuanna Ngah
Moises Francisco Pelembe, kum 32
Moises a sangkah khawlin khamtheih
guihtheih pan a suahtak khakleh cih lametna tawh a pa in galkap lutsak hi. Tawlkhat khitteh galkapleen annekna-ah
Moises in SDA thu-um mi Alfredo tawh hong kimu uh hi. Moises in Alfredo’
gamtatzia midang tawh kibang lo-in, pakta mahmah hi. Alfredo in ankuang panin
an pawl khat Moises hawmsawn hi. Alfredo in a nek ding an peuh mah limtak entel
phot hi. Nek loh ding, sa siang lo a kipiak ciangin, an lo hi. Tua bang hun
ciangin Alfredo in a nek lohte Moises in ne zel hi.
“Ngasa meh kipiak ding ni ciangin
Moises in Alfredo gei-ah tu pahpah hi. Bang hang hiam cihleh Alfredo in tua ngasa-te ne lo-in Moises pia zel hi. Tua
bangin kaal nih khitteh Moises in mun
dangah training dingin kituah hi. Tua a kituahna mun-ah a gei-a lum galkap pa
in Lai Siangtho bu khat nei hi. A ihmutna pan Moises a khanlawh ciangin tua Lai
Siangtho sim zel hi. Moises in ama ngaihsutna-ah Lai Siangtho pen piteek,
puteekte sim ding bekin ngaihsun hi. Bang hangin khangno khat in Lai Siangtho
sim ding kisam hiam, ci-in ngaihsun thei lo hi.
Ni khat Moises a lawmpa kiangah bang
hangin Lai Siangtho sim na hiam ci-in dong hi.
A lawmpa in “kei Khristian thu-um mi khat hi ing,” ci-in dawng kik hi.
“Nang, Pasian um maw, ci-in Moises in Afredo dong kik hi. Tua galkappa in John
3: 16 simpih a, Moises in Lai Siangtho sung a thute thei beh nuam hi. Tua
bangin Lai Siangtho a simna tungtawnin Moises in Pasian hong um thei hi.
A pa in Moises’nunna zia zong hong
kikhel lungdam mahmah hi. Lai Siangtho bu khat zong lei-sak hi. A training a zawh khit ciangin a om ngei
masakna munah hong tung kik a, galkap bu khat hong suak hi. Tua a omna munah
Moises in Lai Siangtho sim, galkap dangte in a muh uh ciangin, “nitaksial nai 6
in Lai Siangtho sin mi kimkhat om hi, ci-in a lawmte khat in hong gen hi. Tua
nitakin Moises zong tua thusinna munah va pai hi. Moises in hih Lai Siangtho
sinna tawh lungkim zo lo hi. Mundang khatah va kituah hi. Hih munah zong
nitaksial nai 6 in Lai Siangtho sinna
nei uh hi. Afredo in hih Lai Siangtho sin mite lakah kihel nuam lo hi. Bang hang hiam cihleh hih mite in ka pawlpi
hong gensiat sak den uh hi, ci-in pulaak hi.
Nitak kik ciangin Moises in Adventist thu-um
mite’ Lai Siangtho sinna-ah va kihel hi. Hun khat lai-a annekna-ah an a hawm
den galkappa in Adventist sungah tui kiphum hi, cih hong thei hi. Moises in
sawm-ah khat piak ding cih thei ngei lo hi. Malachi 3:8 sungah Pasian in bang
hangin ka nate hong guksak na hi uh hiam? Bang hangin hong buluh na hi uh hiam?
ci-in a kigen thute hong sintoto hi.
Tua nitak thusinna pan a giahna mun
hong tun ciangin Moises kap hi. Galkap bu pa in a zak ciangin Moises kiangah va
pai-in, kua’n hong sat hiam, ci-in dong hi. Galkappa in mi khat ii sat hi
lo-in, Moises in Pasian’ kammal a sim ciangin, amawhnate kiphawk a, kisik
ahihlam thei lo hi. Sabbath hong tung kik a, Moises in a lawmte tawh tai 9
gamlatna SDA biakinn ah kikhawm dingin hong pai uh hi. A khatvei khiatna
Sawm-ah khat zong tua Sabbath kikhopna-ah va khia hi. Tua a kipan Sabbath
sialin kikhawm a,kum 22 a cin ciangin kituiphum hi.
Sabbath ni tawlnga thei lo ahih manin
a galkap pan khawlin, palik lut hi. Inn khat khit inn khatah pai-in laibu zuak
kawikawi hi. A ngah sumte tawh Mozambique Adventist Univerity ah sang va kah
hi.
Tu-in Moises in kum 32 cingkhin hi.
Lai Siangtho sangkahin kum 3 zo khin hi. “ Ka pa in ka kikhelna ding deihna
tawh galkap hong lut sak hi. Ahi zongin Pasian in kei aa dingin a hoih zaw
lampi hong bawlsak hi, ci-in Moises in pulaak hi.
Tu
quarter Sabbath School sumpi in Mozambique Adventist University ah kipuak ding
hi. MUC in Kachin, Ngawng Chaung ah biakinn lamna dingin kipuak ding hi.
