29 June 2019 Sabbath
26na
Sum in lungsim pulaak
“Jesuh in, “ Na hoihkim nop leh pai
inla, na neihsa khempeuh zuak inla mizawngte na pia in. Tua hileh vantungah gou
na nei ding hi. Tua khit ciangin hong pain inla ka nung hong zui in,” ci-in a
dawng hi (Matt. 19:21)
A hau tangval pa Jesuh kiangah hong
pai-in tawntung nunna a ngah nadingin bang kisam cih thu hong dong hi. Jesuh in
tangval pa’ theihna tawh kizui-in dawng kik hi. Tangval pa in thukham zui
khangno khat ahihlam thei hi. Tua ahih manin Jesuh in thukham zui in, ci-in
dawng hi. Tangval pa in a neutung a
kipan thukham zui khangno khat ahih manin Jesuh’ dawnkikna tawh lungkim zo lo
hi. Jesuh in thukham kicinna itna ahih lam hilhnuamin, na neihsa khempeuh zuak
inla, mizawngte huh in ci-in dawng hi. Tua bang hi leh tangval pa in vantungah
sumhau hi ding hi.
Tangval pa’ nunzia in sum omna munah i
lungsim zong om hi, cih hong hilh hi ( Matt. 6:21). A taktakin Jesuh in i sum a deih hi lo
hi. Jesuh in i sum kisam lo hi. Leitung
le a sung a om khempeuh Piangsak Pa in Amah mah hi. Na khempeuh a nei Jesuh
hi. Bang hangin Amah piak ding hong deih
hiam cihleh Jesuh in i lungsim nei nuam hi. I sum omna ah i lungsim zong om hi.
Sabbath nisimin kikhawm dingin
kikhopna mun, biakinn i pai hi. Sumpi khia-in Pasian i bia hi. Nasep hoih a
sem-in i kingaihsun hi. Hi mah hi.
Pasian in i neihsa khempeuh hotkhiat nasepna dingin i zat ding hong deih
hi. Ahi zongin Jesuh in i lungsim hong nei nuam hi zaw hi.
Thuumna:
sumpi na khiat ciangin na lungsim Topa tungah ap in.
Thungetna:
Topa aw, na khempeuh nang ma aa hi. Tuni-in i lungsim uh hong sang in. Amen.
