“Sawltakte in lim le nalamdang tampi
bawl uh a, mi khempeuh in lamdangsa mahmah uh hi. Thu um khempeuh kikhawlin
omkhawm uh a, a neihsate uh zong a neikhawm uh hi. Amaute in a neih a lamteng
uh zuak uh a, a sumte pen amau kisapna tawh kizui-in amaute lakah a hawm uh hi.
Nisimin biakinn-ah kikhawm uh a, a innte uhah annekhawmin, lungdamna leh
kiniamkhiatna tawh a ne ciat uh hi. Pasian phat uh a, khatlekhat thupha
kideihsakin a om uh hi. Pasian in nisimin hotkhiatna a ngah mi kibehlapsak
tawntung hi (Sawl. 2: 44 – 47).
Khat veivei ciangin pawl sung hong lut
ding mite kiangah piakkhiatna tawh kisai vagen ding hamsa-in kingaihsun kha hi.
Ahi zongin neihsa kepna leh zeekna in thu-um mi khat ii kitangsap mahmah khat
hi.
Piakkhiatna a hat mite pawl sungah
kho-zaw hamtang uh hi. Sawm-ah khat, sumpi ah citak mite pawl sungah citak mite
hi. Tua bangin kipiakna tungtawnin upna picing semsem a, Topa sungah nopsakna
ngah uh hi. Tua hi-in sawm-ah khat, sumpi leh piakkhiatna cihte gen tawntung
ding thupi hi. Sawm-ah khat, sumpi pia lo pawlpi mite in Topa tungah a citak
ding un hanthawn ding kisam hi. Piakkhiatna in upna sungah khantohna hi. Pawl
sungah kihelna, pawlpi aa ding kipiakna cihte in Khrih tungah ki-apna khat hi.
Thuumna:
Piakkhiatna pulaak dingin, mite hanthawn ding maizum ngaihsut kei in.
Thungetna:
Topa aw, nangma tungah citakin, maizumna tawh hong kipelhsak in. Amen.
