27
July 2019 Sabbath 30na
Neihsa zeeksiamna in Pasian kiang hong tunpih
hi.
“Na pu na pate uh mah bangin ka
thukhamte na zui kei uh hi. Ahi zongin keima lamah hong kihei kik un; kei zong
note lamah kong kihei dinghi. Ahi zongin note in, “ Nang lamah hong bangci
kihei ding ka hi uh hiam?, na ci uh hi. Keimah in note kong dotnop thu pen, mi
khatpeuh in Pasian’na buluh ding kilawm ahi hiam? Kilawm lo hinapi-in note in
nong buluh uh hi. Ahi zongin note in, “ bang hong buluh ka hi uh hiam? na ci uh
hi. Sawm-ah khat, piakna leh biakpiaknate ah nong buluh uh hi.
Na minam bupun
keima neihsa buluh na hih manun note khempeuh tungah samsiatna hong tung hi. Ka
biakinn-ah an a om theih nadingin sawm-ah khat a kimin hong paipih un. Kei hong
zia-et un; vantung kongkhakte hongin, note’ a dingin na hoih tampi kong piakna
na mu ding uh hi.” Mal. 3: 7 – 10.
Malachi 3: 9, 10 in i zak mun mahmah
khat hi. Bang hang hiam cihleh neihsa
zeekna-ah a citak mite ngah ding kamciam om hi. Ahi zongin limtakin Malachi 3
sung sim lehang Pasian’hehpihna hangin Israel mite kisia lo uh hi. Pasian in
amaute mawhna pulaakin, Ama kiang zuan
dingin sam hi. Koi bangin Pasian kiang zuan kik ding cih pen amaute in thei
thei lo uh hi.
Israel mite in Pasian’ neihsa sawm-ah
khat leh sumpi buluh uh hi. Tua hi-in
Pasian in sawm-ah khat leh sumpite Ama kiangah paipih dingin thupia hi. Tua in
neihsa kepna-ah cihtakna hi. Neihsa kep leh zeeksiamna in biakpiakna hi. Pasian in Piangsak Pa, hong Sikh Pa, hong Kem
Pa hi, cih pulaakna hi. Na khempeuhah Amah masakna hi. Tua in i lungsim pulaak
hi.
Thuumna:
Tuni-in cihtakna tawh Topa zuan in.
Thungetna:
Topa aw, na thumaan a, na ciampel ngei kei hi.
Tu leh a tawntungin a cihtak nangma nasem ka hih nadingun hong huh
in.Amen.
