27
April 2019. Sabbath 17na
Pasian’
Thupha-te A Hong Luanna
“A topa in nasem tungah “ a dik,
thuman nasem pa aw, tawmno khatah citak nahih manin a tampi uk dingin nang kong
koih hi. Na topa tawh nopsakna sungah na om ding hi” Matt. 25: 21.
Neihlelamh hauhna pen Pasian’ thupha
hi, ci-in na ngaihsun ngei hiam? Nasep hahkatna tungtawnin zong mihau tampi om
hi, ci-in na ngaihsun hiam? Ahi zongin na khempeuh Pasian kiang pan hong pai
hi.Amah in na khempeuh Piangsak Pa hi. Tua hi-in na khempeuh Ama aa hi. I nunna
zong Ama thupha hi.
Talent thugentehna in Pasian’ hong piak thupha, nate limtak
kemcing, zeek siam ding kisam ahihna thu hong hilh hi. Pasian gam tangzai
nading, Ama minthan nadingin zat ding kisam hi. Pasian in thupha hong piak
ciangin muanna tawh hong piak, hong kepsak hi zaw hi. Tua thupha-te a hong
piakkhong hi. Piaknopna lungsim tawh piakna tungah Pasian gam hong kiphut hi.
Pasian gam sungah i piakna tungtawnin Ama sungah picingin, kikhangto ding hi. I ngah thupha-te zang lo-in, selcip lehang
midangte aa dingin thupha hi thei lo ding hi. I piakkhiatna tungtawnin ngahna
hong khang semsem hi.
Topa hong piak thupha tawh bang na sem
hiam? Ama gamzai nading leh ama minthan nadingin i zang hiam? Midangte phattuam
nadingin i zang hiam? Topa hong piak siamna, neihlelamh thupha-te Topa’ deihna
bangin zang lo-in, huaihamna dingin i zang hiam?
Thuumna: Topa hong piak thupha-te zangin Ama gamzai
sak ni.
Thungetna:
Topa aw, na khempeuh nong pia-a, na thupha-te hangin lungdamna kong ko uh
hi. Na gam aa ding leh mite aa dingin
thupha hi dingin hong zang in. Amen.
