26
January 2019. Sabbath 4na.
Vantung
tawh kizopna
“Kei tawh hong kizom paisuak le uhcin
kei zong note tawh a kizom paisuak ka hi ding hi. A hiang pen a gui tawh kizom
keileh gah a gah theihloh mah bangin note zong kei tawh na kizop kei uhleh gah na gah thei kei ding uh hi.”
John 15: 4.
Jesuh thugentehnate lakah lenggahkung
leh a gah in neihsa kepna leh zeeksiamna (stewardship) leh koi bangin neihsa
kem ding cih thute hong hilh hi.
Na
khempeuh hoihna tawh kidim Pasian tawh
kizom lo-in ei le ei in hoih ding i hanciam kha zel hi. Jesuh leh a hong itna,
a hong hotkhiat nadingin a hong kipiakna mitsuanin nungta hi lehang nisimin
nuamna tawh i kidim ding hi. Jesuh mitsuan lo-in nuntakna in piakkhiatna hong
mangngilhsak thei a, i nunna in a si nunna hi ding hi.
Koi koi-ah i teeng zongin nunna hong
pia Pasian’ vangliatna teci na hi thei hi. Nunna tuinaak mitsuan inla, Amah
tawh kizom tawntung lecin nopna tawh kidimin mite aa ding thupha na hi thei
ding hi.
Thuumna:
Leenggui, Jesuh tawh na kizom hiam?
Thungetna:
Topa aw, ka nuntakna uh kong kipia uh hi. Nong piak thuphate hangin lungdam
theihna hong guan inla, mite aa ding thupha hong hisak in.
