25
May 2019 Sabbath 21na
Mi
Huhna leh Ansal
“Bang hang hiam cihleh leitang tungah
mizawng bei ngei lo ding hi. Tua ahih ciangin, “ Gam sungah a om na sanggampa,
na a kisam mite leh mizawngte tunga na cingh mahmah ding uh hi,” ci-in thu kong
pia hi” Thkna. 15: 11.
Topa in mizawng, huh huai mite huh
ding thu hong pia hi. Bang hang hiam
cihleh leitang hong pia Pasian hi. Tua
hi-in i neih khat mi hawm ding kisam hi. Hih thupiak in leitang nei mi in annek
tuidawn kicing nei ding a, nek ding nei lo mite huh ding thupiak hi. Neihsa
zeeksiamna kisam mahmah hi.
Koi bangin i neihsa lak pan sawm-ah
khat leh sumpi khenkhia ding i hiam? Ngahna khempeuh lak pan sawm-ah khat Topa’
aa ahih mah bangin Amah i ap hi. Sumpite zong ansal ah pai pih dingin thu hong
pia hi (Mal. 3: 10). Tu-in tua ansal in conference sung a omte aa dingin local
conference hi-in, mission sung a omte aa dingin local mission hi. Topa
nasepna-ah kizeek dingin sumpite ansal ah koih khit ciangin cimawh huhna leh
nasep nading project tuamtuamte aa dingin piakkhiat kisam hi. Tua bangin fund
kiga nei hi lehang, a kisapna munmunah nasep kihuh thei ding hi.
Bang hangin mizawngte huh ding thupi
hiam? Sumpi thuman panin lam hong pialpih thei hi. Sum tampi neihna in lam hong
pialpih theih bangin kitangsap luatna in zong lam hong pialpih kha thei hi.
Cimawh, genthei mite na huhna tungtawnin Pasian’ hehpihna phawkin Amah
muanna-in nei thei uh hi.
Thuumna:
Koi bangin dongtuak mite huh ding na hiam?
Thungetna:
Topa aw, mite aa ding thupha hi ding lam hong lak in. Amen.
