24
August 2019 Sabbath 34na
Neihsa zeekna in Na khempeuhah Pasian Masakna
“ Thei nai lo a, za nai lo na hi hiam?
Topa pen tawntung Pasian hi a, leitung mong khempeuh dong a Piangsak Pa ahi hi.
Amah gim lo a,zong tawl lo hi. Ama thu theihtelna kigen zo lo hi.” Isa. 40: 28.
Neihsa kepna leh zeekna in tangzai
mahmah hi. Pasian hong piak thupha khempeuh huam khin hi. Cidamna, innkuan,
biakpiakna, Topa aa ding nuntakna, pawlpi’ tangko thute leh a masuan, siamna
tuamtuamte, i hun, kimlepaam nate leh
sum kihel hi. Ahi zongin neihsa zeekna i gen ciangin sum bek kingaihsun kha
hiam?
Ellen G. White, “ Sum in lungsim
sittelna a lian penpen hi, ci hi ( Counsels on Stewarship, 372). Hih in bang
siksan hiam? Jesuh in “na sum omna munah na lungsim zong om hi,”ci-in gen hi
(Matt. 6:21).
Pasian in Piangsak Pa hi; na khempeuh
a Nei Pa hi, cih thu in nang le kei bang hong hilh hiam? Nek ding, silh ding a
kipan na khempeuh hong bei leh, Pasian tungah na khempeuh kinga hi; Ama
hehpihna hi, cih mi khempeuh in i tel semsem ding hi. Leitung mitsuan in nei
lo-in, vantung thute mitsuan zaw lehang, i nunna zia kikhel lo ding hiam? Pasian’ neihsa nate a kem nu, a kem pa ka hi,
cih kitel hi lehang, nisim i nuntakna-ah bang thute masak zaw ding cihpen
theithei ding hi hang. Pasian masak zaw tawntung hi lehang, koi bangin i
ngaihsutna, khensatnate hong huzaap ding hiam?
Thuumna:
Tawntungin a kip ding nunna aa dingin a
kigingkhol mi khat ihihna in i hamphatna khat hi lo hiam? Thuman citakna tawh kiging
ding hi lo hiam?
Thungetna:
Topa aw, nangmah in na khempeuh a Nei Pa, kote hong Honpa na hi hi. Tawntung
nate mitsuan in hong kalsuansak in. Amen.
