“Huaihamna, lungsim le kisialh nopna
lungsim tawh bangmah gamta kei un. Kiniakhiat ciat unla, midangte thupi
ngaihsutzaw un. Note’ phattuam nading bek ngaihsun kei unla, midangte’ phattuam
nading ngaihsutsak zaw un. Note in Jesuh Khrih lungsim puakzia na nei un. Tua
lungsim puak zia in: “ Jesuh Khrih in Pasian’ pianzia nei napi-in, Pasian tawh
a kizakim theihna dingin thatanghat thu a suang kei hi. Amah kiniamkhiat tawm
zaw a, nasem lim a hong pua zaw hi. Mihing bangin amah hong kibawl a,mihing
teekteek mah a hong sun hi. Amah hong kiniamkhiat tawm a, singlamteh tung
nangawnah sih ding a ut hi.” (Fillippi 2: 3-8).
Pasian’ neihsa kem mite ihih manin
Pasian’ nasem mi hi banah Ama zia le tong nei ding mite i hi hi. Pasian in bang
nunzia nei hiam? Phillipian 2 sungah hong hilh bangin Jesuh in midangte hoih
nadingin nungta hi. Eite aitangin a hong sih dongin Amah leh amah hong
kiniamkhiat hi.
Pasian nunzia a nei thei dingin Pasian
in mihing a hong bawlin, khat le khat kizopna nei thei dingin hong bawl hi.
Khat le khat i kizopna zia in koi bang hiam?
Khat le khat kiniamkhiatna i nei hiam? Keima thu bek i ci hiam? Jesuh’ nunzia tawh ki-en kak lecin, a
deihhuai nunzia na nei hiam? Midangte in na gamtatzia tungtawnin Jesuh a mu uh
diam?
“Vantung ki-ukna sungah nopna, kilemna
tawh kidim hi. Vantungmi khempeuh in Pasian it belin nei uh hi. Khat le khat
lungsim tak tawh ki-it uh hi. Mawhna omma-in tua bangin nungta uh hi.”Ellen G.
White, The Spirit of Prophecy, Vol. 4., 316, 317. Pasian’ deihna bangin nunna
in vantung nunzia hi. Tawntung nunna
sung a nungta ding mite in zong Pasian’ deihna sungah nungta ding hi.
Thuumna:
Pasian’ deihna zuih ding ki-ap in. Kiniamkhiat ding kisam hi.
Thungetna: Topa aw, na nunzia a kemcing thei dingin hong huh in. Amen.
