23
March 2019
Angola
Kihotkhiatna
Paulo
Pinto
Paulo in thongkia mite kiangah Pasian’
thu gen dingin a nasep a khawl manin a nu heh mahmah hi. Paulo in Angola gam khua khat a om SDA
innkuan sung pan a khangkhia-in kumpi
sang khatah laihilhsia khat hi. University ah a sangkahna thalawh tawmin a nu leh a sanggam dangte 10 bang a
huh mi khat hi. Ta u pen ahih mah bangin a pa in typhoid natna tawh a nusiat
khitteh inn sung vaipuak khempeuh ama lutung hong tung hi.
Mi 130000 val bang a teenna khua
Benguela –ah University sangkahin, a kum nihna kumin typhoid natna tawh zato
lum hi. Kha 2 sung bang zato a lup sungin SDA thu-um mite hong pai-in thungetna
neihsak uh a, zato lupna sum bei-te zong piaksak uh hi. Zato pan a tuah a kipan
a nunna zia kikhel hi. Zato pan a tuahkhitteh a sangkah zong khawlsuak hi.
Nidang a gamtat ngei- bangin gamtat khak ding lau-in sangkah nawn lo hi lo-in,
Zimbabwe gam Solusi Univeristy ah Lai Siangtho sangkah ding ut zaw hi. Ahi zongi sangkah nading sum nei lo hi. A mai
kum dong khawl phot hi. Hih hun sung tengin, a sanggamte khat in huhna tawh
thongsung va lut thei-in thongkia mite kiangah Pasian’ thu genna nei thei hi.
Tua bangin a nasepna tungtawnin thongkia mi 20 in tuikiphum uh hi.
A innkuanpihte in a gamtatzia tel zo
lo uh hi. Paulo in a innkuan sung kitangsapnate en zo nawn lo hi. University sangkah khawlin Lai Siangtho
sangkah ding a geelna hangin a nu in ta bangin ngaihsun thei nawn lo hi.
Paulo in Solusi University ah hong
tung hi. Mangpau thei lo, sum zong nei
lo-in sang hong tung hi. Mangpau sin hong kipan hi. Paulo in “ ka sangkah hong zo sak thei in.
Sang man ciangin nangma na ka sem ding hi, ci-in Pasian tungah thungen hi. A
sangkah sungin Pasian’ itna theitel hi. A innkuan-un Adventist innkuan hi-in,
kum 27 sung gam sung gal omna hangin Pasian’ thuman theihtelna nei zo lo uh hi.
“Lai Siangtho thu leh Pasian thu
theihna ka nei kei hi. Ahi zongin Solusi Univeristy ah sangkah dingin a om a
kipan Lai Siangtho leh Pasian thu theihna hong khang semsem hi.Hih sanginnpi-a
sia-te in gamdang pan hong pai sangnaupangte limtak kem uh hi. Khat vei vei
ciangin sia-te va hawh uh a, a kisapnate uh huh thei zel uh hi. Khat veivei
ciangin a theih ngei loh mite in nek ding an pia zel hi.
Paulo in Pasian’ gen bangin tangtung
takpi hi, cih mu tel hi: “ Na leitang uhah an na lak uh ciangin lonawl cin dong
la tektek lo-in ansangh zong kaikhawm kei un. Tuate mizawngte a ding leh
pemtate a dingin sit un. Keimah Topa note Pasian ka hi hi,” (Siam. 23: 22) cih
thu mu tel hi. A u khat in a sangsum ding piaksak hi. A u in a nusiat khit ciangin Angolan pawlpi mite in huh uh hi. Tu-in
Solusi university panin sangzo mi khat
in a sangsap ding piaksak hi.
A sangkahna Solusi panin Zambia,
Uganda leh Philippine gam pan sangnaupangte tawh kilawmta-in, sangkah man
ciangin Angola gam mun tuamtuamah Pasian thugen dingin geelna nei uh hi.
Angola gamah mi 290,00,000 val bang om
a, tua lakah SDA thu-um mi 176,000 val om hi. “ Mi khempeuh SDA suaksak dingin
a hanciam ka hi kei uh hi,” ci-in Paulo in gen hi. Ahi zongin Jesuh hong
vaikhak bangin “mi namkim tungah teci
ahi dingin leitung buppi ah kumpi gam
lungdamna thu kihilh ding a tua khit ciangin bei-na a tung ding hi” (Matt.
24:14),cih thu siksanin nasem hi.
2015 kumin Sabbath School sumpi tawh
Solusi University ah sangnaupang 1000 val bangin annek theih nading in inn khat
kilamsak hi.
Tu quarter leitungbup Sabbath School
sumpi, Mozambique gam leh Saotome Prince gamah kipuak ding hi. MUC in Kachin,
Ngawng Chaung ah biakinn lamna dingin kipuak ding hi.
Mai
Sabbath in Sabbath 13na ahih manin sumpi khiatngei zah ii a zah thum khia
dingin kigingkhol ciat ni.
