23
February 2019
Sabbath
Hangin Lauhuai-na
Carlos
Freitas, kum 48
Carlos a kituiphum khit ciangin
Sabbath ni nasem thei nawn lo ding a makaite zasak hi. Sabbath in Thuciam Lui
sung bek hi; Thuciam Thak zuih ding hi, ci-in a makaipa in dawng kik hi. Carlos
in Sabbath tawlngak ding Lai Siangtho
siksanin mun tampi pulaak hi. Sabbath bei lo hi; thu-um mite in a zuih ding hi,
ci-in pulaak hi. Carlos in “ Sabbath ka zuih kul hi. Tua lo hileh mawhna
lianpi hi ding hi,” ci-in dawng kik hi. A makaipa in Carlos kiangah “ Sabbath tawl ngak ding hong
ngen masa pen nangmah hiteh” ci-in kikhen uh hi.
Carlos
in ta 10 nei hi. A nasep pen electric
lamtawh kisai hi-in, Thursday ni khat a nasep uh, zo baihin Friday ni nasep
ciah baih ding va ngen hi. Friday ni nitaklam nai 5:30 ciangin innciah ding a
va ngetleh a manager pa in phal lo hi.
Carlos zong tuibuk sungah lutin thungen hi. Sao Tome khua-ah nasep ngah ding
hamsa mahmah hi. Nasep nei kei leh a innkuan sung hamsa mahmah ding cih mukhol
hi. Ahi zongin nitak nai 5:30 ciang nasemin tua khitteh inn ciah dingin khensat
hi. A ciah madeuhin engine sungah tui
dim gawp hi. Hanciam theihzahin hanciam mahta le-uh tui tam tektek hi. Manager pa in zong a cih nading thei lo hi.
Carlos in inn ciahsan hi.
Monday ni nasep kuan kik ciangin
manager pa in bang hong gen diam cih patau kawmkawmin nasep hong kuan hi. Ahi
zongin manager pa bang mah pau lo hi. Ni 2, 3 hong khengto-in manager in bang
mah paupih lo hi. Tua bangin engine in tui tawh kidim a om ciangin kua mah in
nasem thei lo uh hi. Manager in hih thupiang pen Pasian’nasepna hi, cih nasemte
kiangah pulaak hi. Tua a kipan Sabbath nisialin Carlos in nasepna pan tawlnga
thei hi. Amah a muang mite Pasian in kem tawntung hi.
Sao Tome khuapi-ah mi 200000 val mite
in Sabbath thuman thei lo uh hi. Hih khua sung mite a langphial in RC biakna
zui uh hi. SDA thu-um mi 8000 val deuh hi. Biakinn 13 om a, companies 56 om hi.
Tu quarter Sabbath School sumpi in Sao
Tome khuapi-ah biakinn lam nadingin kipuak ding hi.
MUC in Kachin, Ngawng Chaung ah biakinn
lamna dingin kipuak ding hi.
