23
February 2019. Sabbath 8na
Sawm-ah
khat leh Sumpite Piakna-ah Cihtakna
“ Mi khat in Pasian a buluh ding mah
ahi hiam? Tua hi napi note in kei nong buluh uh hi.” Mal. 3: 8.
Khristian thu-um mite in Pasian in
Piangsak Pa hi; tua hi-in na khempeuh Ama neihsa hi, cih pen kithei kim hi.
Piancil Bu sungah na khempeuh in Pasian’ vangliatna tawh kipiangsak ahihna thu
kipulaak hi.
Israel mite in hotkhiatna a theih
nading leh Amah a biak nadingun, biakbuk khat lam dingin Pasian in Moses thupia
hi. A ngah uh na khempeuh lak pan sawm-ah khat pia dingin thupia hi. Pasian in
tua sawm-ah khat keima aa hi, ci hi. Tua banah sumpi tuamtuamte piak ding hong
hilh hi.
Koi bangin sawm-ah khat leh sumpite
kilamdang hiam? Sawm-ah khat in Pasian aa hi; Amah a ap kik i hi hi. Sawm-ah
khat i khiat ciangin, Topa aa a pia i hi pan a, i piak hi lo hi. Ama aa mah a
ap kik i hi hi.
Sumpi ciangin Topa tungah citpiakna,
piakkhong hi-in, i piak nopzah mimal khensat hi. Ahi zongin sumpi khia lo-te,
Pasian a buluh mah suak veve hi. Sawm-ah
khat leh sumpite a thupitna kibang hi. Sawm-ah khat leh sumpi i khiat ciangin
Piangsak Pa bia ihihna a pulaak i hi hi.
Thuumna:
Thupha tampi hong Pia Pa tungah cihtak ding kisam hi. Sawm-ah khat leh sumpite
Ama i ap hi. Piaknopna lungsim tawh pia in.
Thungetna:
Topa aw, nangmah kong pahtawi uh hi. Sawm-ah khat leh sumpite na mai-ah kong
luii uh hi. Nangmah kong biakpiaknate uh hong sang in. Amen.
