22
June 2019 Sabbath 25
Neihsa
kepna zeekna in Itna sungah zungkha
“Na Topa Pasian, na lutang khempeuh,
na hinna khempeuh, na lungsim khempeuh leh na thahatna khempeuh tawh it in.”
Mark. 12:30.
Stewardship Department Logo-ah lukhu nih kimu thei hi. Khat tungah lingkung
om hi. A dang khat tungah kumpi lukhu kimu thei hi. Ling lukhu in Jesuh, na
khempeu a Neipa, a hong hotkhiat nadingin na khempeuh hong Pia Pa limcing hi.
Ama nasepna hangin i lungdam hi. Topa i
pia hi. Bang hang hiam cihleh Ama’n eite hong pia masa hi. Ama nunzia zui-in eite in zong midangte
tungah i pia hi.
Kumpi lukhu in Jesuh in eite’ Topa
ahihna limcing hi. Amah in kumpite’ Kumpi, mah bek mah i biak ding Pasian, amah
bek mah i sungah hong nungta ding hi. I
nunna khempeuh Jesuh i ap ciangin, Ama deih bangin i nungta ding a, amah in
hong uk ding hi. Jesuh in i Topa, i Kumpi hi.
Jesuh mai-ah kunin amah i bia hi. Amah
in i Honpa, i Topa hi. Ama sepna khempeuhte hangin i lungdam hi. Na khempeuh in
Ama khut nuai, Ama neihsa hi. Tua nate a kem dingin nang le kei hong muang hi.
Tua hangin amah i it hi.
Thuumna:
Jesuh in i nunna sungah i Honpa, i Topa hi.
Ama deih bangin nungta in. Ama deih bangin gamta in.
Thungetna:
Topa kote Honpa aw, a lungdam mi, a pia
nuam mi hong hi sak in. Amen
