21
September 2019 Sabbath 38na
“ Biakinn sumpi khiatna kuang gei-ah
Jesuh tu-a, mihonte in sumpi a khiat laitakun a en hi. A haute in tampipi hong
khia uh hi. A zawng meigong numei khat zong hong pai a, sumnen tang nih hong
khia hi. Tua ciangin a nungzuite sam a, “A dangte khempeuh sangin hih mizawng
meigongnu in tam khia zaw hi. Bang hang hiam cihleh adangte in a neihval a
lamval sung panun a khia uh ahi hi; ahi zongin amah zawng mahmah napi-in ama
kivak nading nangawn siit loin a neih khempeuh a khiakhin ahi hi,” a ci hi (Mk.
12: 41-44)
Mi kimkhat in neihsa zeekna tawh kisai
tel lo uh hi. Mi khempeuh tungah hong
kipia thu hiam? ci-in ngaihsun uh hi.
Piak ding nei lo mite in bang pia ding hiam, ci-in ngaihsun uh hi. Nektawm zong mite in bang pia ding uh hiam,
ci uh hi. Hihte pen a hi takpi hi.
I ngahna sung pan, tam leh tawm leh,
sawm-ah khat Topa i ap ding kisam hi. Mihau, mizawng, ngahna lak pan sawm-ah
khat hi. A hau mite in tampia zaw ding,
a zawng mite’n tawm pia ding hi lo-in, mimal ngahna tung pan sawm-ah khat hi.
Sumpi piak ahihleh mimal khentatna tungtawnin piak ding hi. Pasian in thupha
hong pia ahih manin tua tungtawnin Ama tungah i piak kik ding kisam hi.
Meigongnu sumpi khiat bangin ngahna sangin tam a khia mi zong om ding hi.
Nasep nei lo, ngahna khat zong a nei
lo mi khat in zong Topa’ kamciam mitsuanin ni khat ni ciangin a piak ni hong
tung ding hi. Pasian in Ama hong kalhna sangin a tam zaw pia dingin hong sawl
lo, Ama hong kalhna sangin a tawm zaw piak ding deihtuan lo hi. Ama hong cihna
tungah cihtak ding kisam hi.
Thuumna:
Pasian in Ama pilna, a muhkholhna tawh a hong geelkholhsak bangin lungsim takpi
tawh Amah tung i ap ding thupi hi.
Thungetna:
Topa aw, na tungah a citak dingin hong makaih in. Amen.
