20
March 2019. Sabbath 13na
Neihsa
Kepna leh Pasian’ Limlemeel ( Khat le khat kipanpih)
“ Tua ciangin Pasian in, “ Ei lim ei
tawh a kibangin mihing bawl ni-in, tuipi sung a ngasate, leitung a om huihlak
vasate, innsate le a bokvak ganhingte khempeuh amau uksak ni, ci hi. Tua bangin Pasian in ama lim suunin mihing
piangsak a, Pasian lim suunin amah piangsakin numei leh pasal a piangsak
hi.Pasian in amaute thupha pia a, amaute tungah,
“
cipha unla pung un; leitung khempeuh dim unla thuzawh un. Tuipi ngasate huihlak
vasate leh a bokvak a nungta ganhing khempeuh uk un,” ci hi. (Pian. 1: 26 –
28).
Nung Sabbath-in, Pasian in nate
kemcing dingin Ama limlemeel suunin hong bawl thu i pulaak hi. Piansak nate
limtak kem ding, a don dingin Pasian in hong deih hi. Mangmuhna Bu sungah piansak
nate a suksia mi in kisiatna thuak ding hi, ci-in hong hilh hi. Pasian’limlemeel suun mihing in piansak nate
hoih tak don ding masuan i neihna Pasian in thupi ngaihsut hi.
Pasian in Ama limlemeel suunin mihing
a hong piansakin numei leh pasal (nupa kop khat) in hong piangsak hi. Zi le
pasal tungtawnin innkuan hong piang a, mihing kibehlap hi. Pasian in a cipung
dingin a hong piansak ahi hi. Pasian hong piak thupha in nu le pa tungtawnin
tate hong piangkhia a, Pasian in a hong it bangin tate it ding kisam hi.
Midangte it theihna in innkuan sung, zi le pasal ki-itna pan kipan hi. Pawl
sungah ki-itna omin, angsung huaihamna hemkhia-a, Jesuh tawh kisuun semsem ding
leh Ama meel suun ding i hi hi.
Koi bangin Khrih meelsuutna in neihsa
kep leh zeekna huzaap hiam? Mi i it
ciangin i pia khia nuam hi. Pawl sungah
zong midangte i it semsem ciangin midangte noptuam nading i sem nuam ding hi.
Pawlpi aa ding i hun, neihsa i itsiik kei ding hi. Pasian in piakhia tawntung
ahih manin Amah i sutna khat in piakkhiat hatna hi.
Thuumna: Na piakkhiat in Pasian’ limlemeel a kilangsak
hiam? Bang in nang le kei aa dingin
mannei hiam?
Thungetna:
Topa aw, kei-ma hamphat nading sangin midangte hamphat nading ngaihsutna hong
guan in. Tua hileh huaihamna tawm semsem
ding a, nang mah kong suut zawk semsemna hi ding hi.Amen.
