20
April 2019. Sabbath 16na
I tuahkhak thute Midang tungah Pulaak
“Tua ahih manin bang ne ding a, bang
dawn ding a, bang silh ding i hi hiam, ci-in lunghimawh kei un. Gentile mite in
lunghimawh penin a neihte uh hih bangte ahi hi. Hih nate khempeuh na kisap
lamtak uh vantungah a om na Pa un a thei
hi. Thudang khempeuh sangin Pasian’ukna le ama deihna na zuih theih nading uh
thupi ngaihsut masa zaw un. Tua hileh hih na kisapna dangte khempeuh uh zong
hong piathuah veve ding hi.” Matt. 6: 31 – 33.
Penny Brink in a sanggam pasal nih leh
a nu bek tawh, tuipi gei khuano khatah teeng uh hi. Pasian muang hi mah taleh kha bei kuan
ciangin lunghimawh hi. Innsap piak kul, zingsang nitak an ding lunghimawh hi.
Tua bang tawh Sabbath nitak khat a vekun lamsiau uh hi. A nu in sehnel lakah sumtang khat mu khia hi.
A nu in tawmsukin a lak toh leh a dang sumtang khat muh beh leuleu hi. A nuta un sumtang kaikhawm uh hi. A kim a
paam khua dak kawi kawi uh a, tua sum nei ding kuamah mu lo uh hi. Tua a muh
sum in kaal nih sung khomding nek ding siik zo hi.
Mi khempeuh in nek le dawn, silh le teen ding kitangsam hi. Ahi
zongin tuate sangin Pasian’ deihna i zon masak ding manpha zaw hi. Tua hi leh,
Pasian in i kitangsapnate hong pia lo-in a om kei ding hi.
Thuumna:
Pasian hong piak thuphate midang na hawmsawn hiam? Ama hoihna pulaak ding thei
dingin Topa tung ngen in.
Thungetna:
Topa aw, nangma hoihna hangin na tungah ka lungdam uh hi. Zingciang aa ding lunghimawh lo-in, nangma
Gam a zong masa ding, nangma kamciam tawh a nungta dingin hong makaih in.
Amen.
