2
March 2019
Tuahsiatna
pan Jesuh aa Dingin Nungta
Constancio
Triste Afonso, Kum 51
Constancio in zu dawn den khat hi-in, zu
ngawlin Jesuh a san madeuh, pi 7 a sanna mun khat pan a lu lamin khia hi. Mualtung
mun khatah Adventist camp khat om a, tua kimtengah Constancio le naupang nih
zong va pai uh hi. Tua bangin a et
laitakin numei khat in “ lamdang na sak om hiam, ci-in hong dong hi. Adventist
thu-um mite in zu dawn lo, zatep lo uh hi, cih pen thei hi. Tua camp a man khit
uhteh Constancio in Adventist tawh kisai thu hong kan hi. Pawlpi mite khat in Lai Siangtho sinpihna nei –a, tuiphum ding khensat hi.
“ Pasian tungah na ki-ap ding kisam hi.
Tua hi leh, Pasian in zu dawn leh zatep hong zawhpih ding hi, ci-in pastor in
hanthawn hi. Costancio in zu leh za zang nawn lo-in kituiphum hi. A kituiphum
khit kha 6 ciangin zu dawn, zatep kik
hi. A zi ahih leh tui kiphum lo hi mah taleh a pasal in tua bangin a nunlui
bangin a gamtat kik ciangin heh mahmah hi. A kikhel ding lamen hi. A zi in “ SDA thu-um mi in zu dawn lo, zatep lo hi,
ci-in a pasal hanthawn den hi. A zi in zu dawn leh zatep a khawl mateng tuam om
ding gen hi. Tua bangin a zi in a gen ciangin Constancio heh mahmah hi. Lai
Siangtho sinna nei to zel a, “ Gilvahna
hi lo nate aa dingin bang hangin sum zang a, gilvahna ding lo pi-in na
sem na hi uh hiam? Ngai un, ka thu ngai-un anlim ne un, na nuntakna anlim pen
ne-in a tai ding hi” (Isa. 55: 2) hong
sim hi. Zu dawn, zatep zongsatna hoihte a zawh nadingin ni tampi thungen hi;
Topa’ huhna ngen den hi. Tua hi napi, a dawn ding zu leh zatep lei veve hi.
Nitak khat zukhaamsa-in inn hong tungin
kahlei tung hong kahto hi. A zi, a tapa
kum 7 khat leh kum 4 numei khat hi-in, a innkuanpihte ihmut kaalin inn sung
hong lut hi. A khe buan lua ahih manin,
khe sil dingin a pai leh, a nuai pi 7 a bang a sanna panin khia suk hi. A lu in leitat suk hi; suang tawh kitat ding
tawmno khat bek in sam hi.
A ui uh haam pah hi. Inn sung a lum a zi
leh a tate hong tho uh hi. Bang hi peuh
ding hiam ci-in a et uhleh Constancio in zukham khua phawk lo-in na lum
hi. A zi in a vengte ko a, a vengte’n zong vadelh pah uh hi. Dawi bawl hi
dingin ngaihsun uh hi. Khua sungah dawi om hi ding hi. Bangci bangin dawi
hawlkhia ding hiam ci-in lungkham mahmah uh hi. Constancio in buangawp ahih
manin silh kul ding hi, ci-in, zuntha-in
khut tawh dawh uh a, tua zuntui-te Constancio tungah thehgawp uh hi. A man khit
uhteh inn sungah paipih uh hi.
Zingsang khuavak ciangin a khuapih pawl
khat in zu dawn dingin va zawn uh hi. Ahi
zongin Constancio in hong zui kei ning; zu dawn nawn lo ding khentat khin ing,
ci-in dawng kik hi. Zu duhna, zatep duhna khempeuh beisiang hi. Topa’ huhna hi,
cih kiphawk thei hi. Tu-in Constancio in pawlpi upa khatin om hi.
A teenna khua sung mi sehthum suah sehkhat
( mi 200 ) in SDA tui kiphum khin mi hi-in, Sabbath sialin kikhawm mi 120 val
bang pha den hi. Constancio kikhelna hangin a lawmdangte zong kikhel uh a, zu
dawn nawn lo, zatep nawn lo-in SDA hong suak uh hi.
Tu quarter Sabbath School sumpi in Sao
Tome khua-a guihtheih khamtheih a zang mite kipuahphatna phualpi ah kipuak ding
hi.
MUC in Kachin, Ngawng Chaung ah biakinn
lamna dingin kipuak ding hi.
