“Pasian’ ukna sungah mihau khat a lut
ding sangin phim bilvang sungah kalaoh khat a ut ding baihzaw lai hi,” a ci hi
(Luke 18: 25).
Australia mi Adventist thu-um mi khat
in laibu khat gelh hi. A laibu deihna in Topa’ thupha tampi ngahin, tua thupha
zangsiam kei lehang hamsiatna piangsak ahih manin, koi bangin hamsiatna dal
ding cih thu hi. Thupha ngah napi, buai-na tawh kidim cih pen a hi thei mah ding
hiam? Laibu gelhpa in a nuntakna ah neihlelamh hangin Pasian tawh kigamla
hi. Pasian masak lo-in na dangdangte
masakna in Pasian tawh kigamlat kipatna hi.
Pasian tawh kinai nadingin nasepna zia
khel kul hi. Amah mitsuanin, hotkhiatna teci dingin pulaak kul hi. Neihlelamh in Pasian tawh hong khenthei hi. Hauhna,
van le nate in mite aa ding thupha leh Pasian nasepna-ah kizang kei leh, siatna
hong tun thei hi.
Thuumna:
Neihlelamh nate in Topa tawh hong khen
hiam? Ahih keileh nuntak hamsatluatna in
Pasian tawh hong kigamla sak hiam?
Thungetna:
Topa aw, ka nuntakna leh ka neih khempeuh in nangma thupha hi. Nang aa dingin kong kipia uh hi. Na minthan
nading leh na vangliatna dingin na nuntak nadingun lam hong lak in. Amen.
