19
January 2019. Sabbath 3na.
Vankuumpi
aa ding hong kiluui khia
“ Pasian in leitung mite hong it
mahmah ahih manin ama Tapa a um mi khempeuh si nawn lo-in a hin tawntung theih
nadingun a Tapa neihsun a hong piak dongin a hong itna a hong lak hi” John
3:16.
Jesuh in Friday ni khat singlamteh
tungah bang thuak hiam?
Penny Brink in khat vei Dr. Angel
Rodriguez, Bibical Research Institute makaipa in neihsa kepsiamna leh
zeeksiamna (stewardship) tawh kisai a thugen va ngai hi. A thuzakna panin
neihsa kepna thu tampi theihbeh hi. Stewardship na deih hiam?
Friday ni-in singlamteh tung a piang thu,
mi tuamtuam dong lecin, a hong dawn uh
kibang lo hi. Tua hi-in i dot mite tungah a hong dawnna uh a tuam tek kimu hi.
Biakna makai-te in kumpi langpang ding kithawi ahih manin a sih ding mah kilawm
hi, ci ding uh hi. Roman makaite in nidangin tua bangin kuamah in sihna thuak
ngei lo hi,ci ding uh hi. Bang hang hiam cihleh Amah a that mite lakah Jesuh
damsak mi kimkhat kihel hi.
Pasian in a leitung mi khempeuh aa dingin
tua Friday ni-in a tapa hong pia hi. Tua sangin kipiakkhiatna lian om lo hi.
Singlamteh tungah Khrih hong sihna in na khempeuh, vankhuumpi nuai-ah a lian
penpen kipiakna hi.
Eite Honpa, Jesuh in leitung aa dingin
hong kipia hi. I lungsim in Khrih hong sihna ngaihsun tawntung hi leh,
ngaihsutna, sumpi piakna, i nunna zia hong khel lo ding hiam? Singlamteh tungah
Khrih hong kipiakna siksanin na sumpi, na kipiakna ngaihsun lecin, tu ni-in na
piakte khempeuh cihtham het lo hi, cih na mu ding hi. Tua hi mah taleh Pasian
in i sungah piaknopna lungsim hong guan hi.Tua in Amah tawh hong kisuun semsem
sak ding a, a pia khia mi hong hi sak ding hi.
Thuumna:
Tu ni-in piaknopna lungsim na nei hiam? Topa aa dingin bang na pia ding hiam?
Thungetna:
Topa aw, nangmah in na khempeuh a pia pa, tawntung nunna nong piak manin
na
tungah ka lungdam hi. Nong hotkhiatna hangin lungdamin, nang mah bangin
piakkhiatna a hat dingin hong huh in.
