18
May 2019 Sabbath 20na
Piaknopna
Lungsim
“Thudang khempeuh sangin Pasian’ ukna
leh ama deihna na zuih theih nading uh thupi ngaihsut masa zaw un. Tua hileh
hih na kisapna dangte khempeuh uh zong hong pia-thuah veve ding hi.” Matt. 6:
33.
Khat veivei ciangin neihsa kep, zeekna
i cih in Pasian’ min tawh i sepna khempeuh hi, ci-in kingaihsun kha zel hi. I
ngahna tungtawnin i piak hi. Tua bangin Ama nasem i hi hi, cih pen man mah hi.
Ahi zongin neihsa kep, zeeksiamna in tua bek hi lo hi; Pasian in eite aa ding a
sep khempeuh kihel hi. Pasian in hong pia kei leh, Ama bawlsa nate kemcing
dingin hong sawl lo hi leh, Ama neihsa kem, a zeek mite i hi thei kei ding hi.
Neihsa kepna leh zeeksiamna in Pasian pan hong kipankhia masa hi.
Neihsa kem leh zeeksiamna in Pasian
theihtelna, mihing in Amah tawh kizopna panin hong kipan khia hi. Pasian in
Piangsak Pa, hong Pia Pa hi; eite in Ama
piansak, a hong piak thupha-te a zeek i hi hi. Neihsa kepna leh zeeksiamn in
biakpiakna khat hi; upna thu hi. Pasian i muanna zong hi. Pasian muanna a om ciangin kipiakna tam kimu semsem
hi. Tua hi-in ngahna tungtawnin piakkhiatna in, Pasian muanna, upna hat leh
thaneem pulaak hi. piaknopna lungsim nei leh nei lo kilangh hi. Sawm-ah khat
khiat zah leh sumpi khiat zah etkak ding hi a,
sawm-ah khat khiat zah mah sumpi zong khiat ding kisam hi. Tua in
piakkhiatna taktak hi. Manngen lo-in a hong kipiak mah bangin manngen lo-in pia
in, ci-in Jesuh in hong sawl hi. Mi 100 ah mi 4 khawng bek in tua bangin sawm
ah khat leh sumpi piak kikim hi.
Thuumna:
Sumpi khiat in upna pulaak ahihlam i ngaihsun ngei hiam? Sawm-ah khat pen
Pasian in a hong kalhna tungtawnin i khiat hi-a, ahi zongin sumpi ahih leh
mimal khensatna tungtawnin piak ahih manin, Pasian bang zah muanna tawh sumpi i
khia hiam?
Thungetna:
Topa aw, muanna leh piaknopna lungsim
tawh a pia khia zo hong hi sak in. Amen
