17
August 2019 Sabbath 33na
Pasian
Muanna tawh Neihsa Zeekna
“A hoih thu le na khempeuh, Pasian
kiang panin hong pai hi a, vantung khuavak a Piangsak pa ahih manin amah kikhel
ngei lo a, amah a kihei manin khua zong mual tuan lo hi.” James 1: 17
Mi kimkhat in tuhun nunzia in nasep manin
a nungta-in kingaihsun uh hi. Neihlelamh,
hauhna mitsuanin a nungta mi in hauhna tawh lungnopna ngah dingin kilamen hi. Gammi
hoih khat suah ding hanciam kul hi. I nuntakna dingin nasep kul hi. Ei le ei
kikhua-sa thei hi lehang, midangte’n hong buai pihpih kul lo ding hi. Ahi
zongin tua bang hanciamna khempeuh beimang thei hi. Hoihna, na hoih sepna cihte
belhtaak cing lo hi. Ahi zongin Jesuh tungah a kinga mi in a tawntungin kip
ding hi.
Hun khatlai-in South Africa gamah kial
tung hi. Cape Town khuapi-ah tui om nawn lo hi. Tuikholna khempeuh zong tui a
bei ding hi ta hi. Mi tampi in tuikhol
theih bangin khol ciat uh hi. Tui hong bei leh mi khempeuh a zawng, a hau
kuamah peuh daangtakin si ding cih theikhol uh hi. Hamsatna in mihing kuamah
deidan lo hi. Mi khempeuh in Pasian’ bawlsa i hih manin Ama hang bekin kinungta
hi. A sawt lo-in Africa gamah guahzu-in tui hong tak ngah thei kik uh hi.
Thuumna: Na khempeuhah Pasian muang in.
Neih le lamh ah citak in.
Thungetna: Topa aw, nangmah kong muan
theih nadingun hong hilh in. Amen.
