“Na pumpi uh, Pasian in a hong piak,
note’ sungah a teng Kha Siangtho’ biakinn ahih lamtak thei lo na hi uh hiam?
Note’pumpi, nomau’ neihsa hi lo a, Pasian’ a hi hi. Note pen Pasian in hong
leisa na hih manun na pumpi uh Pasian’ minthan nadingin na zang un.” (1Kor. 6:
19, 20). Tua hih manin na nekna, na dawnna leh na hihna khempeuh, Pasian
minthan nadingin na sem na bawl un. (1Kor. 10:31).
A lian mahmah Pasian’ thupha khat in
cidamna hi. A dam lo mite in cidam a manphatna thei uh hi. Cidamna kibang lo
hi. Tua hi taleh, Pasian min i thangsak thei hi. Damlohna tuamtuam nei mah
taleng, Pasian’ minthan nadingin i nungta thei hi. Lungsim pumpi cidamna dingin
a nuai-a thute kisam hi.
Khensatna hoih kisam hi. Exercise
kisam hi. Tui tampi dawn kul hi. Kimlepaam siantho ding kisam hi; mite tawh
kizopna hoih kisam hi. Pasian muan kul hi. Tawlngak kul hi. Huih siangtho dik
in. Pumpi ki-ukzawhna kisam hi. Thumanna kisam hi. Thu khat peuhpeuh a hoihlam
a ngaihsutna, cidam nading annek kul, mi
huhna cihte in lungsim pumpi dam nading
kisam hi.
Thuumna:
Pasian’ min a thangsak dingin bang ka samlai hiam?
Thungetna:
Topa aw, nuntakna leh cidamna nong piak manin lungdam ung. Gimthuak mite in
tawldamna ngah uh hen. Lungsim pumpi
cidam nadingin a gamtaang thei dingin hong makaih in. Amen.
