16
March 2019. Sabbath 11na
Ka
kamciam: Mi Khempeuh in Neihsa Zeeksiam Mi hi Thei Diam?
“Na sum omna munah na lungsim zong om
ding hi” (Matt. 6:21)
Nasep
nei lo mi khat, bang mah nei lo mi khat pen neihsa kem, neihsa zeek siam mi
hoih khat ahi thei diam? Neihsa kep leh
zeek siamna in lungsim thu hi. Khat
veivei ciangin neihsa kepna leh zeekna i gen ciangin sum bek kingaihsun kha hi.
Ahi zongin sum in lungsim hong zia-et vanzat khat hi bek hi. Ellen G White
in “ sum in a tawntungin i lungsimpuak
hong sittel hi.” ci hi. Ellen G. White, The Adventist Home, 372.
Adventist thu-um mite in sumpi i piak
ciangin hoih i sak zahkhat a pia-te i hi kei hi. I ngahna tungtawnin sawm-ah khat i khia hi.
Sumpi zong 100 ah percent bang zah hiam khat i khia hi. Na dangdangte ah i zat
ma-in sawm-ah khat leh sumpi ding a khenkhia masa i hi hi. Bang hang hiam
cihleh tua in na khempeuhte sangin Pasian i masak zawkna pulaak hi.
Sum ngahna nei lote ee leh! Nasem thei
nai lote ee!. Bang mah ngahna nei lo
mite ee! Koi bangin sumpi piakna leh neihsa kepna leh zeekna nei ding uh
hiam? Bangmah ngahna nei kei mah ta
le-uh neihsa kep leh zeekna-ah amaute zong kihel thei uh hi. Neihsa kepna leh
zeekna in lungsim tawh kisai hi. Topa tung a ki-ap mi khat in ngahna khat peuh
a neih ciangin Topa tungah cihtakna pulaak thei hi. Ngahna khat peuhpeuh a neih ciangin sawm-ah
khat leh sumpite khia dingin khensat a, Topa tungah a cihtak nakleh Topa in ama
ki-apna sang ding a, nasep leh thaman ngahin, Topa tungah sawm-ah khat leh
sumpi a piak ding nei thei ding hi. Topa in lungsim takpi tawh a ki-ap mite
thupha pia hi.
Thuumna: Tu hunin Topa tungah citakin ki-ap in. Ngahna
khat peuh na neih ciangin sawm-ah khat, leh sumpi piak citak in.
Thungetna:
Topa aw, tu ni-in na tungah kong kiciam hi. Hong citaksak in.
