16
March 2019
Kilawmtatna
in Zawhna Thusim
Vitalina
Mendes Moreira, kum 57
Vitalina in West Africa tuipi gei khua
no khat a teeng hi-in , a ta nihna suak kuan ding hi ta, si luangluang mawk hi.
Siavuante in zatui pia khial uh hi. A nau hoih tak suak thei a, ahi zongin a nu
in khe natna hong nei hi. A nu’ nuntakna hut nadingin a khe-te nih tan khia uh
hi. Tua hunin Vitalina in kum 19 pha pan hi.
Kha
9 khitteh zato pan tuakin inn hong ciah hi. A pasal in zi dang na nei hi. A
lungkia lua mahmah ahih manin amah le amah kithah ding vaihawm hi. Tua leh SDA
thu-um mi khat va hawh hi. Tua nu
in khua nawlah lui-ah va pai-in
Vitalina’ puanniinte sawpsakin, anhuansak hi.
Siavuante in hih nupi nu in tui lawng thei nai lo ding ci ahih manin
Vitalina huh dingin midang khat zonsak hi. Vitalina lungdam mahmah hi. Ahi
zongin Adventist hi lo ahih manin, tua bangin Adventist thu-um mite in a huh
ciangin kisuangtaak mahmah hi. Puansawp ding pawl khat inn sungah selsim a, puansawp
ding om nawn kei, a cih ciangin amah a huh numei nu in um lo ahih manin, inn
sung teng a zonleh Vitalina in a selsim puante muhkhiatsak a, a vekin sawpsak
hi.
Nuntak khuasak nading Topa tungah
thungen den hi. Tawlkhat khit ciangin puankhui nasep ding khat hong mu hi. A puankhui-na pan sum tampi ngah hi. Ta 5 a
neih khitteh a pasal in sihsan hi. Pawlpi mite in thusinna neihpih zel uh hi.
Ahi zongin Vitalina in lunglut lo hi. Nek le dawn kidek nuam lo hi. Pastor khat
in Pasian thugenna kaal nih sung nei-a tua munah thungai-in va pai den hi. A
zak thute hangin a nunna zia kikhel hi. Pasian kiangah a thunget Pasian in sang
hi. Puankhui-na set khat nei thei hi. Pasianna-ah kihelin tua khitteh tuikiphum
hi. A up thute mite tungah pulaak ding lawp mahmah hi.
A inngei-ah a pai mite kiangah hong
hawh in, kong gen nop om hi, ci-in mipai-te sam pahpah hi. “ Ka nunzia hong en
in. Pasian in ka nunna sungah na lianpi hong sem hi. Pasian pen belhtaak cing,
muantaak cing hi,” ci-in teci pang hi.
Tua bangin a tecipanna tungtawnin mi 7 bangin tai 2 bang a gamlatna-ah hong kikhawm uh hi.
Vitalina in taxi sap ding piaksak hi. Tu-in tua mite kituiphum khin uh hi.
Vitalina in ama inn gei khatah
kikhopna khat vaihawm hi. A sawt lo-in
mi 40 kituiphum hi. Makaite in pawlpi khat phut ding vaihawm uh hi. Biakinn
ding zo nai lo ahih manin, 2017 kumin Vitalina
innpua lam mun khatah singinn khat lam phot uh hi. Tua bangin a nasepna
tungtawnin Pasian’ ompihna hangin Topa
tungah lungdamna ko uh hi. Khua sung kimlepaam mite kiangah zong thuman
tecipang kawikawi uh hi. Vitalina in “ Pasian gam leh Ama dikna zong masa un.
Tua hileh na kitangsap khempeuh hong pia thuahlai ding hi,(Matt. 6:33) siksanin
mainawt hi. Pasian muan masakin nei ahih manin a kitangsap khempeuh Pasian in hong
sik hi, ci-in tecipang hi.
Tu quarter Sabbath School 13 sumpi in
Sao Tome khua-ah biakinn lam nadingin kipuak ding hi.
MUC in Kachin, Ngawng Chaung ah biakinn
lamna dingin kipuak ding hi.
