16
February 2019
Zi
Thum Nei Mipa
Sao Tome & Prince
Carlos Freitas, kum 48
Carlos in zi 3 nei hi. Sanggam pasal 7 nei-a, a pi kiang pan
khangkhia hi. A pi in a nusiat khit ciangin a sanggamte in pawlpi tawh kigamla tektek uh hi. Kum 21 a phak
ciangin Carlos in zi Edite tawh kitengin ta numei khat nei uh hi.
Nupa sung buai-na hong tuak uh hi. Ta
numei-te in siatna dalna dingin bilbah koih uh hi. Carlos in kikhawm nawn lo hi
mah taleh tua bangin bilbah deih lo hi. Tua bangin a kithukim lohna hangin
Edite in a pasal theihloh kaal in phungzi khat tuiphumna nei-sak hi. Carlos in tua bang thu a theih ciangin a zi
nusia-in zi dang khat nei kik hi. Ahi zongin Carlos in a zi masa tawh kizom zom
uh hi. Zi nih nei suak hi.
Tua khitteh zi dang khat nei kik hi.
Tua tawh ta nei kik uh hi. Carlos in a zi masa tawh ta 5 nei a, a zi nihna tawh
ta 4 nei-in, a zi thumna tawh ta khat nei hi. Tua bangin Carlos in mun tuamtuam
ah zi nei kawikawi-in, a zi masa zong lungkhamin Adventist nupa khat tawh hong
kimu uh hi. Tua a kipan kikhawmin tui kiphum hi.
Carlos in VOA ah nasem hi. Pasian thu
kin lo hi. Ahi zongin a zi masa Edite in
kikhawm dingin va zol a, a tanu nih tawh Sabbath ni khat va kikhawm uh hi. A
tanu kum 10 val deuh khat in a kikhopna-ah
a lasak in a nu khitui luangsak hi. Mite muh ding ut lo-in bu sim hi.
Tua a kipan a zi masa tawh biakinn ah kikhawm hi.
A zi nihna Maria in Carlos biakinn ah kikhawm
hi, cih a theih ciangin, a tanu taisan dingin ngaihsun hi. Adventist pawlpi in
nupa kiteeng lo-in tenkhop ding phal lo hi. Tua hi-in Edite tawh omsuak ding na
hiam, ci-in dong hi. Carlos in zi nei dingin kikhawm hi keng, ci-in nial hi.
Hotkhiatna ngah dingin kikhawm hi ing, ci-in dawng kik hi. Nang zong hotkhiatna
ngah ding kisam hiteh, kikhawm ding hong zui in, ci-in Carlos in a zi zawn hi.
Maria zong tua a kipan kikhawm hi.
Sabbath nisialin Carlos in a zi masa
zawnin, kikhawm uh hi. Tua khitteh a zi nihna, biakinn dang khatah va puak
leuleu hi.Tua bang kawmkalah a zi thumna in pasal dang khat na neihsan hi.
Carlos in koi zaw pen tawh kitengsuak
ding cih ngaihsun hi. Kha 2 sung
antangin thungen hi. A zi masa tawh kitengsuak dingin hong khensat hi. Ahi
zongin Lai Siangtho tawh kipsak ding ngaihsun hi. Ni khat Lai Siangtho simin
thungen hi. Mal. 2:14 sung simkha hi. “ Topa in na khangno lai-in na neih na zi
tawh kikalah teci ka hi hi’ cih hong simkha hi.
A zi nihna in tua bangin a khensat a
muh theih ciangin lungkhamin, nih un kap hi. Ahi zongin a nihna Edit in, a pasal’ zi masa
Maria in Carlos tawh kiteng dingin lungkim zaw hi. 2013 December 29-in a zi
masa tawh kitengin kituiphum hi. “ Tua a
kipan a nunzia kikhel hi. “ Tu-in nunna thak tawh nungta-in Pasian’ hong
piaksak thak mi ka hi hi. Tu a kipan hotkhiatna thu gen ding ka hi hi,” ci-in
pulaak hi.
Tu quarter Sabbath School sumpi in Sao
Tome khua-ah kipuak ding hi. Sao Tome tuikulh ah 1936 kumin Portuguese laibu
zuak Jose Freire va tung a, Adventist thupuak masakna hong suak hi. A masa
penpen Adventist thu-um mi kituiphum hi.
MUC in Kachin, Ngawng Chaung ah biakinn
lamna dingin kipuak ding hi.
