16
February 2019. Sabbath 7na
A
Hong Pia Pa ii Siamna
“ A kipatcilin Thu a om hi. Thu in
Pasian tawh a om khawm hi. Thu in Pasian ahi hi. Amah in a kipatcilin Pasian
tawh a om khawm hi. Thu tawh na khempeuh a kipiangsak hi. A kipiangsak khempeuh
lakah, Thu lo-in a kipiangsak khat a om kei hi. Ama sungah nuntakna a om hi.
Tua nuntakna in leitung mite a ding khuavak ahi hi. Tua khuavak in khuamial
lakah tang a, khuamial in amah a zo zo kei hi.” John 1: 1-5.
Khuapi sung a teeng mite in singkung
lopa, kimlepaam hoihna tuamtuam muh ding hamsa hi. Na khempeuh, neihlelamh
khempeuh in Pasian’ bawlsa hi. I nuntakna, cidamna, pilna, siamna khempeuh in
Ama kiang pan hong pai hi.
“Leitung in mi pil, mi siam, thu
theihna tuamtuam nei, nate thu a kantel, mihing lungsim a phongsak thei
ngaihsutna tuamtuam neite in pahtawi-na ngah uh a, mite phattuampih ding nasem
uh hi. Ahi zongin tua mite sangin a lian zaw, pahtawi taakcing Pasian hi.
Mihing khempeuh hong hilh SIA in leitung piancilin om khin a, Amah in mihingte’
KHUAVAK hi. Ni, kha-te in leitungah khuavak a hong taan mah bangun leitung mipilte’
pulaak thute in Dikna Khuavak Jesuh hong musak thei hi. Ngaihsutna, pilna
khempeuh in leitung’ Khuavak panin hong pai hi.” Ellen G. White, Education, 13.
Jesuh in Piangsak Pa hi banah na
khempeuh a uk TOPA hi. I kidot ding thu in ‘ Amah ka TOPA ahih mah hiam? Ka nuntakna, neihsa
khempeuh Amah a pia hi leng, Ama vangliatna ka mu diam? Mite aa dingin bangzah
ciangin thupha ka hi thei ding hiam?
Thuumna: Nuamna tawh i nuntakna Topa
ap ni. Tua hi leh kimlepaam mite aa ding thupha i hi ding hi.
Thungetna: Topa aw, ka Topa na hihna
hong theitel zaw semsem sak in. Ka
nuntakna nang ma’n hong uk in. Amen.
