15
June 2019 Sabbath 24na
Kha
Siangtho’ Hong Piak Thupha-te
“Note in nap hawk ding uh thu panin:
Khaici tawm a vawhte in tawm mah la ding a, tampi a vawhte in tampi mah la ding
uh hi” (2Kor. 9: 6).
Piakna leh ngahna tawh kisai thupiang
nih i pulaak ding hi. Khatna-ah tui a dim hai nih om hi. Hai khat sung a tui in
paak kungte tuibuahna-in kizang a, nisim in tua hai sung a tuite kilaih den hi.
Ahi zongin a dang hai khat sung a tui ahih leh kilaih ngei lo, hai sungah om
den ahih manin niin a, lungno tuamtuam omin, a kizang thei lo tuiniin hong suak
hi. Tui limci ngah ngei lo hi, bang hang hiam cihleh hai sung a tui bua khia
ngei lo hi. Cihnopna-ah piakkhiatna tam
leh kizatna tam ding a, ngahna khang
semsem hi.
Leibeel khat thaksitset, hoih mahmah
hi. A dang leibeel khat ahih leh lui-in, kitam hi. Papi khat in a liangko
tungah tua leibeel tawh tuitawi hi. Inn a tun ciangin leibeel hoih sung a tui a
dim mahin inntun hi. Ahi zongin a dang khat pen a keh ahih manin a hawmsa-in
inn tung hi. Ahi zongin lampi dung a paakkungte in tua leibeel kek sung
panin tui ngah uh a, paak hoih mahmah
hong paak khia uh hi. Leibeel thak sung a tui-te in inn sung kuang, beelte siangsak
a, leibeel kek in paakte a paaksak paak tuipiakna hong suak hi. Mihing
nuntakna-ah zong piakkhiatna in nunzia etlawmsak hi.
Thuumna:
Piakna tungtawnin ngahna khang semsem ding a, ngahna khang semsemleh piakna
khang semsem hi.
Thungetna:
Topa aw, lungdamtakin a pia mi hong hi sak in. Amen.
