12
October 2019 Sabbath 41na
“A
hoih pen Pasian pia in”
“Pasian in leitung mite hong it mahmah
ahih manin ama Tapa a um mi khempeuh si nawn lo-in a hin tawntung theih
nadingun a Tapa neihsun a hong piak dongin a hong itna a hong lak hi. (John 3:
16).
Jesuh sungah Pasian in a hong piak
theih na hoih penpen hong pia khin hi. Piakna in Pasian’ nunzia hi. Pasian in hong pia masa hi. Pasian in a hoih penpen Jesuh sungah hong pia
hi. A hong piakna hangin tawntung sihna
pan hong honkhia hi. Tam taleh, tawm taleh i piak ciangin zong Pasian in a hoih
pen mah i piak ding hong lamen hi.
“Israel mite sung panin ahi zongin
Israel mite sungah a peem mite lak pan ahi zongin mi khat peuh in biakna a piak
ciangin, thuciamna a tunsakna hitaleh meihal biakna-in Topa’ tungah a kipia
uthu- a biakna hitaleh, hong kisan theih nadingin bawngtal hitaleh tuu hitaleh
keel hitaleh, a sitbaang lo a pa khat na
pia ding uh hi. Note in a sitbaang khat peuhpeuh na pia kei ding uh hi; bang
hang hiam cihleh hong kisang zo lo ding hi” (Siam. 22: 18 – 20). A hoih pen i piakna tungtawnin Pasian in i
piakna hong na ciamteh hi.
“ Topa in i sumpite a kisam hi lo hi.
Amah i piakna tungtawnin Topa a hauhlawh ding hi lo hi. Ahi zongin kipiakna
tungtawnin a hong hehpihna hangin lungdamna i pulaak ding hong deih hi. Tua lo lampi dang om lo hi.” Ellen G. White,
Review & Herald, Dec. 6., 1887.
“ A neu pen hi phial taleh,
kiniamkhiatna tawh Jesuh tungah na piak ciangin Pa mai-ah a namtui, etlawm
biakpiakna-in na sang hi. Lungsim khempeuh tawh Pasian itin, na hih theihzah
sit lo-in kipiak ding Pasian’ deih ahi hi.” Ellen G. White, Counsels on
Stewardship, 161.
Thuumna:
Topa tungah a hoih penpen bang ka pia ding hiam?
Thungetna:
Topa aw, Jesuh sungah a hoih penpen nong pia hi. A hoih pen, ka hih theihzah uh tawh lungdam
kohna kong pia uh hi. Amen.
