12
January 2019
“ Nu aw, pai in”
Lethabo
Masienyne, kum 8 khat ii thu hi.
Botswana gam, Francistown khua-ah a om
naupang kum 8 a pha pasalno in Adventist Sangkhatah laisin hi. Naupang Lethabo in annekma-in thungen dingin
a nu kiangah pulaak hi. Zingsang thawh ciang leh nitak lup ding ciangin zong a
nu kiangah thungen dingin gen hi. Sabbath ni ciangin kikhawm dingin a nu sawl
den hi.
Tua bangin Lethabo in a nu kiangah a
gen ciangin a nu in lamdangsa hi. Bang hang hiam cihleh amau innkuan pen
Khristian innkuan hi lo uh hi. Lethabo’ nu Gomolemo in SDA sangah a tapa Tan 3
sinin, a sangkahsakna hangin a lungdam hi. Sabbath ni ciangin Eastern Gate
Primary Sanginn ah kikhawm uh hi. Koi bangin Gomolemo in biakinn hong tung thei
hiam cih pen a lamdang khat hi lo hiam?
Lethabo in Francistown khuapi-ah Tan 3
ciang zo hi. Hih khua-ah mi 90000 val bang a teenna khua lian khat hi. Kum 3
khit ciangin Lethabo in laisim hamsa hi. A nu zong lungkham ahih manin Eastern
Gate Sangah kah hi. A tanu zong tua sangah sangkahsak dingin geel uh hi. Tua
sangah sangkahleh Pasian thu zong thei ding hi.
Gomolemo in Khristian innkuan sung pan
a khangkhia nupi khat hi. Ahi zongin a tate in Pasian thu tawh kipantah ding
lunggulh hi. Leitung hun pai-zia kikhel
mahmah ahih manin, Pasian theihtelna kisam hi.
Lethabo in lai zo lo ahih manin Tan 3
sinkik dingin a nu in sawl hi. Tawl khat khitteh Lethabo in kilamdanna tampi
nei ahih manin Adventist sangkah manpha-sa hi. Tu-in Lethabo in lai zo mahmah
ta hi. Lai Siangtho sim ding tha lawp mahmah hi. Jesuh thu-te a sim khak ciangin
a khitui luang hi.
Gomolemo in a tapa Lethabo nunzia
kilamdang a muh ciangin lungdam mahmah hi. Zingsang, nitak annek ding ciangin
thungen hi. Sababth ni ciangin biakinn ah kikhawm uh hi. A nu zong kikhawm
dingin va zol hi. A nu in kikhop ding ngaihsut lo ahih manin Lethabo in a nu aa
ding thungen hi.
Kha 4 sung tawntung nau-haih ahih
manin nisim lua hi. Lethabo in a sia-te kiangah a nu aa ding thungen dingin
pulaak zel hi. Lethabo in a nu kiangah biakinn ah hong zui in. Pastor in nang
aa ding thu hong ngetsakleh na cidam ding hi, ci-in kikhawm dingin a nu zawn
hi. Tua bangin a tapa kampau a zak ciangin a nu’ lungsim lawngkha hi.
A nu zong biakinn ah kikhawm dingin
hong kithawi hi. Tua Sabbath a kikhop a kipan lua nawn lo-in, a cidam hi. Pasian in a tapa tungtawnin lamlahna a tel
ciangin kikhop hong lawp semsem hi.
2015
kum Sabbath School sumpi in Eastern Gate Sanginn huhna-in kipuak hi. 1984
kumin Botswana Union Conference in North
Botswana leh South Botswana Conference ci-in khennihin kikhen hi.
Kanye Adventist Zato ah lupna 168 bang
om hi. Kum khatin cina 40000 val leh OPD ah kilak 108000 val bang om hi.
Tu quarter Sabbath School sumpi in
Mozambique leh Sao Tome gamah kipuak ding hi.
MUC in Kachin, Ngawng Chaung ah biakinn
lamna dingin kipuak ding hi.
