10
August 2019 Sabbath 32na
Teci Panna
“Pasian
kumpi gam leh Ama thumaanna zong masa un. Tua hileh na kisap khempeuh hong
piathuah ding hi.” Matt. 6:33.
Leitungah lawhciinna ci-in a
ngaihsutte leh Pasian in lawhcing a cihte kibang lo hi. Jesuh in vantunggam tangko
kawikawi hi. Hih leitungah a hong nuntaklai-in Pasian’ gam thu limtak hong hilh
hi. Pasian gam sung om ding mite’ nunna zia ding Mualtung Thuhilhna in hong
hilh hi (Matt. 5: 1-12). A kiniamkhiat mi in thaman ngah ding hi. Jesuh in bang
bang dinmunah om taleng, a lungdam dingin hong hilh hi. Leitung in siatna tawh
kidim hi. Bang hang hi ding hiam?
Na khempeuh in kikhel hi. A kipatcilin
na khempeuh hoihkim hi. Mawhna hangin leitung hoihna kisia hi. Pasian’ bawlsa
leitung in siatna tawh hong kidim hi. Mihing nunna zia zong hong kikhel hi.
Leitung itna tawh a nungta mi in Pasian’ gam tawh kigamla hi, cih kimu hi.
Jesuh in ama tuuhuang sungah a om lo
tuu-te zong ka kaikhawm ding hi, ci-in pulaak hi (Matt. 25: 32 – 46). Koi
bangin Topa’ tuuhuang sungah na nungta hiam? Leitung hauhna bek mitsuanin a
nungta mi na hi hiam? Ahi keileh Pasian’ tawntung gam mitsuanin a nungta mi na
hi hiam?
Thuumna: Jesuh leh Ama dikna, Pasian’gam zong masa ni.
Tua hileh vantung thupha sungah nopsakna tawh i nungta ding hi.
Thungetna:
Topa aw, tawntung nunna mitsuanin a nungta dingin kote hong makaih in. Leitung
iplahna khempeuh nangmah kong ap uh hi. Amen.
