1
June 2019. Sabbath 22na
Piakhiatna
sungah ang sung thu theihna
“Sawm-ah khat a vekin ansal ah hong
paipih un” (Mal. 3:10).
Sawm-ah khat leh sumpi piak tawh kisai
i za za khin hi. Ahi zongin i theihna bangin i zui takpi hiam? Koi munah
sumpite kizeek hiam?
SDA pawlpi in a mun tawh kizui-in
sumpi zeekna mun tuamtuam kinei hi. Ahi zongin a huampi-in ‘ansal’ ah sumpi a
vekin kipaipih hi. Thuciam Lui hunlai-in sawm-ah khat leh sumpi-te biakbukah va
paipih uh hi. Tuhunin biakinn ah i paipih hi. Hih mun nihte in Pasian’ nasep kipatkhiatna mun hi.
Gentehna-in i sumpi khempeuh ei
hoihsak muntekah zeek lehang bang hong piang thei ding hiam? Pawlpi in nasem
khawm thei lo ding hi. Hotkhiatna thu a za lo mi tampi in za thei lo ding uh
hi. Piakkhiatna khat peuhah angsung nopsakna mitsuanin kipia kha zel hi. Sumpi
kizat nading mun a zeek dingin hong kikoih hi leh, aituam noptuamna, kibulphuh
kha ding hi, ci-in Ellen G. White in zong hong vauhilhkhol hi (Counsel’s on
Stewardship, 205, 206).
Ngahnopna lungsim kipia kha zel thei
hi. Pia napi, ngah ding bek lametna om kha thei hi. Sawm-ah khat leh sumpite
‘ansal’ ah paipih dingin Pasian in Ama pilna tawh hong makaih hi. Tuhunin
‘ansal’ in pawlpi tuamtuamte kipawlna mun, mission sung a omte local mission
zumpi hi-in, conference sung a omte local conference zumpi hi. Tua lo munte-ah
paipih thei lo maw? Tua bang hi pah lo hi. Sawm-ah khat leh sumpi i khiat khit
ciangin, na piak nopzah, na piak nopna munmun, na piak nop mi, nangma thu thu
hi ta hi. Ciangtan om lo hi.
Thuumna: Aituam zonna hemkhia ni. Pasian’ nasepna,
pawlpi nasepnate pahpih ni. Tua khit ciangin a tuamtuamah zong mapang thei hiteh.
Thungetna:
Topa aw, nangma nasepna-ah kihelin, panpih dingin kong ki-ap uh hi. Sawm-ah
khat leh sumpite ‘ansal’ ah kong paipih uh hi. Amen.
