Dec.
15
Upna
tawh Nungta
Yoyo
Shimray, 33
Zi le pasal neih pen buai-na lianpi
suak thei hi. Yoyo in India gam pan, Bangkok ah Manglai hilh hi. A zi in
Filipino hi-in, Korat khua-a SDA sangah laihilh hi. A zi in a tapa omna Korat
in Bangkok panin mawtaw tawh nai 5 sung bang kipai ding hi.
Yoyo in Bangkok khua sungah computer
hilh hi-in kha sum tampi ngah hi.
Information Technology tawh kisai thusinna zong pia kawikawi-in a kha
sum banah sum ngahbeh hi. A zi Carla in Korat khua-a om Adventist International
Mission Sangah laihilh dingin nasep ngah hi taleh Yoyo in Bangkok ah om suak dingin ngaihsun
hi. Ahi zongin a sawt lo-in tua bangin nupa
tuam om ding piangthei-sa lo hi. Sum tampi ngah hi taleh ni 5 sung nasemin,
Friday nitak in zi-te omna Korat ah pai-in, Sunday nitak ciangin Bangkok kik
det pen vangikpi hong suak hi. Tua hi-in Korat khua-ah nasep ding hong zong hi.
Ahi zongin nasep muh pak lo hi. Na
khat peuhpeuh sem nuam lel hi. Bangkok-ah nasep hoih a neih hangin Korat
khua-ah nasep ding mu lo hi. Ni khat Korat sang panin Yoyo nasepna Bangkok
phone uh a, Yoyo nasepna sangte in kingah lo hi. Hih tengah sem dingin thukimna
omsa hi. A kiciamna hun bei nai lo hi, ci-in dawng kik uh hi. Kum 3 sung
bangmah kilamdanna om lo hi.
Yoyo in hamsatna tuak hi. India a om lai-in Adventist pastor inn sung
panin a khang khia hi-in ahi zongin college a man khit ciangin Sabbath ni-in
nasem hi. A sanggamnu’ sapna tawh Bangkok khuapi va tung hi. Tua a nasepna-ah
Phillipine gam pan hong pai Carla tawh kimu-in kiteng uh hi. Pastor khat ii ta ahih manin a nunzia pen
mansa lo hi. Ahi zongin Topa deihna bangin nungta ding hong khensat hi. Bangkok
khuapi-a a nasep nusia-in Korat ah hong kituah hi. A zi’ kha sum simloh sum
ngah nadang nei lo uh hi. Yoyo in nasep
a muh nading thungen ngen hi.
Kha 2 khit ciangin lungkia semsem hi.
A lungkia semsem hi. Hun khat lai-in mi lianlian khatin a nungta hi-in tu-in
lungkia mahmah hi. Tua bang hun laitakin Adventist International Mission Sang
siapipa in tua sangah computer hilh dingin Yoyo hopih hi. Yoyo in computer hilh
thei ding a, ahi zongin sum la lo-in kipiakkhiatna tawh laihilh ding hi. Ahi
zongin Yoyo in lungdam takin siapipa cih bangin volunteer tawh computer hilh
ding thukim hi. Kaal 3 khit ciangin Yoyo in tua sanginn-ah sangsia dingin
kicial hi.
Tu-in Yoyo in ama nasepna panin a zi
le a tate vak hi.Carla in a nasep panin khawl hi. Bang hang hiam cihleh ta nei
kik uh a, naucing ding om lo-in, inn ah om hi.
Nidang sangin sum nei lo zaw uh hi mahtaleh Yoyo in nidangsangin a
lungnuam zaw hi.
“Kha sum sang amah bek ahih hangin a
innkuanun nisim in nek ding kitasam ngei lo uh hi. “Ka lungkham hunlai-in ka upna koi-ah om hi ding hiam,” ci-in hong
phawk hi. Phillippine 4: 13 sunga mah
bangin “ Kei hong thahatsak Khrih hangin na khempeuh ka semzo hi.”
Yoyo in “ Pasian nasem ka hih manin tuni dangin ka
lungnuam zaw hi” ci-in pulaak hi.
Thailand
Mission sungah pawlpi 52 om hi. Member 15385 om hi. Thai gam mibup 65,323,000
om a, mi 4245 ciangin SDA thu-um mi khat
om hi. 1925 kumin Thai mi SDA kituiphum masa pen hi.
Tu quarter Sabbath 13 sumpi in Adventist
International Mission Sangah kipuak ding hi. MUC in Tonzang pawlpi puak ding
hi.
