Octorber 6
Myanmar
Saw
Samuel
Kawl
gamah ulian tawh kitheihna kisam mahmah hi.
Na sepna, nang kua mi cih siksan hi lo-in ulian khat na theih nak leh
nasepna hong huh mahmah hi. Ahi zongin SDA makaite in uliante tawh kitheihna nei
mah taleh phattuamna ngah lo uh hi. SDA pawlpi in 1972 kum a kipan Yangoon
khuapi-ah sanginn nih nei a, tu-in sangnaupang 650 val bang omin, mun kicing nawn lo ahih manin sangkah nuamte
kikahsak thei lo hi.
Sanginn thak khat lam nadingin pawlpi
makaite in Yangoon khua sung uk makaite kiangah va hawh zel uh hi napi, kuamah
in lamtheihna pia ngam lo hi. Makaite in
amau hih theih zah ciangciang hanciam uh a, bang mah kilamdang lo hi.
General Conference in zong Yangoon ah
sanginn a kisaplam thei uh a, Southern Asia Division tungtawnin huhn a kingen
a, 2012 kum, quarter Nihna, Sabbath 13
sumpi tawh sanginn khat lam ding kigeel
hi. Sanginn lam nading a sum ding om hi
mah taleh, innlam theih nadingin kumpi
tung pan phalna kingah thei lo hi. Kum 3 sung bang ngak kilamdanna om lo hi.
Pawlpi makaite a thak hong kiteel,
amau zong thunei-te tawh kizopna nei om lo uh hi. Division president Saw Samuel in pawlpi
makaite tawh kimu-in lungkia lo ding thapia-in sanginn kilam theih nading
thugen khawm uh hi. Thungetna mah
bulphuhin kumpi thunei-te kiangah khat vei va pai kik uh hi.
Kumpi zumah a va pai uhleh kongkhakah
zum nasem numei khat in na hopih pah hi. Bang vai hiam, ci-in na kidong uh a,
makaite in zong Yangoon Adventist Seminary sanginn khat lam ding phalna kisam
ung, ci-in a pulaak uh ciangin, tua zum nasem numei in, kei zong tua-ah sangkah
ngei ing. Tu-in zong ka tate kah uh hi. Kong huh theih bangin hong huh ning,
ci-in kiho uh hi. Tua zawh a sawt lo-in sanginn lamtheih nading phalna
kingahin, nasep kipan to thei pah hi.
Hih sanginn in that 6 hi-in, 2017
kumin Ted Wilson sanginn honna neihsak hi. Yangoon khua sungah mi 5000000 val
bang om ahih manin Yangoon Adventist Sang in kimlepaam huzaap nei sanginn khat
hi.
2012 kum, quarter Nihna leitungbup
Sabbath 13 sumpi tawh Yangoon Adventist Sanginnpi kilam hi. Tua hun lai
sangsumkem sia Wesley Doe in zong lungdamna thu pulaak khin hi. Hih sanginnpi lamna sum beizah vekpi $
1,300,000 hi. Sabbath School sumpi $
300000 tawh kihuh hi. $ 425000 pen huhna tuamtuam pan le Myanmar Union Mission
in pawlpi leitang, innmun a zuakna pan kingah sum hi. General Conference panin
$ 400000 tawh kihuh hi. Division zumpi panin $ 200000, ADRA panin $ 50000 cih
bangin kaikhawmin kilam hi.
Sangsiapi Saw Lay Wah in, hih sanginn
in Yangoon khua sung aa dingin khuavak hi. Sanginn thak sungah sangnaupang 800
val bang ta zo ding hi. Tu laitakin sangnaupang 648 hi-in, sangnaupang 180 in
SDA hi lo uh hi.
Hih sanginn honpawi-na ah Division
president pa zong kihel-in, hih sanginn kilam theihna pen nalamdang taktak hi.
Kumpi ulian meltheih i nei kei zongin na khempeuh a sem thei Pasian i nei hi,
ci-in pulaak hi.
Ellen G. White in hih bangin gen hi: “Pasian
in nasem ding na phal nak leh Amah in na hong sem ding hi. Amah muang in. Ama
sungah upna nei-in, Amah i zon leh Topa in hong makaih ding hi. Pasian nasem na
hih manin Amah in hong ompih tawntung hi.” 9T., 107.
Kawl gam mimal vekpi 52,414,000 val om
hi. SDA member 30920 om a, gam mi 1695 ciangin SDA member mi khat cihna hi. Mun
233 ah SDA pawlpi om hi.
